სან დიეგოს სახელმწიფო უნივერსიტეტი აცხადებს სადოქტორო კვლევის მხარდაჭერის პროგრამას ახალგაზრდა ქართველი მეცნიერებისთვის. პროექტს აფინანსებს აშშ-ს სახელმწიფო დეპარტამენტი და ახორციელებს სან დიეგოს სახელმწიფო უნივერსიტეტი (SDSU).პროგრამაში მონაწილეობის მიღება შეუძლიათ საქართველოში აკრედიტირებული უმაღლესი საგანმანათლებლო დაწესებულებების სადოქტორო საგანმანათლებლო პროგრამის სტუდენტებს.

საქართველოს პოლიტიკის ინსტიტუტი (GIP) ნორვეგიის საერთაშორისო ურთიერთობების ინსტიტუტთან (NUPI) ერთად, 29-30 მარტს დოქტორანტებისა და ახალგაზრდა მკვლევარებისთვის ჩაატარებს ონლაინ მასტერკლასს თემაზე: „აკადემიური ნაშრომის გამოქვეყნება“. ორი დღის განმავლობაში მკვლევარებს ჩაუტარდებათ თეორიული და პრაქტიკური ტრენინგები, რაც მსმენელებს შესაძლებლობას მისცემს, მათი ნაშრომები რედაქტორებმა შეაფასონ და გამოქვეყნებაში დაეხმარონ. განაცხადის გაკეთება შესაძლებელია 15 მარტამდე.

ირლანდიის უმაღლესი განათლების ორგანო (HEA) აცხადებს საერთაშორისო განათლების სასტიპენდიო პროგრამის მონაწილეთა შესარჩევ კონკურსს. პროგრამა ხელმისაწვდომია არაევროკავშირის ქვეყნების, მათ შორის, ქართველი სტუდენტებისთვის. მასში მონაწილეობა შეუძლია ბაკალავრიატის დამამთავრებელი კურსის სტუდენტს, მაგისტრატურის და კვლევის/დოქტორანტურის სტუდენტებს. ერთწლიანი აკადემიური პროგრამა ითვალისწინებს სწავლის საფასურის სრულად დაფინანსებას და სტიპენდიას 10 ათასი ევროს ოდენობით.

2021 წლის 20-22 ოქტომბერს გაიმართება ვირტუალური მე-9 საერთაშორისო კონგრესი განათლების მეცნიერებების მიმართულებით. კონგრესში მონაწილეობა შეუძლიათ სტუდენტებს, პროფესორ-მასწავლებლებსა და მკვლევარებს. დამატებითი ინფორმაცია იხილეთ შემდეგ მისამართზე: https://en.internationaleducationcongress.com/

2021 წლის 28 ივნისიდან 9 ივლისის ჩათვლით გაერო-ს საინფორმაციო სამსახურის ორგანიზებით, სასწავლო პროგრამა Graduate Study program) - “Post-COVID World: Reset, Resilience, Recovery” განხორციელდება. პროგრამის მიზანია გაერო-სა და მისი სააგენტოების მუშაობის პრინციპების, ამოცანებისა და საქმიანობის შესახებ ცოდნის გაღრმავება სადოქტორო საფეხურის სტუდენტებში საერთაშორისო დონეზე. პროგრამაზე განაცხადების წარდგენის ბოლო ვადაა 2021 წლის 5 მარტი. დამატებითი ინფორმაცია პროგრამაში მონაწილეობის პირობების შესახებ იხილეთ დანართში.