გამოცხადდა კონკურსი ეიფელის სტიპენდიაზე - 2020. განაცხადების მიღება 2019 წლის 21 ოქტომბერს დაიწყო და 2020 წლის 9 იანვრის ჩათვლით გაგრძელდება უნივერსიტეტებისათვის, დაინტერესებული კანდიდატები კი სასურველ უმაღლეს დაწესებულებას უნდა დაუკავშირდნენ ნოემბრის თვის განმავლობაში. ეიფელის სტიპენდია მოიცავს სამაგისტრო (12-დან 36 თვემდე) და სადოქტორო სტიპენდიებს (მობილობა 12 თვის მანძილზე).

საფრანგეთის ევროპისა და საგარეო საქმეთა (MEAE) და უმაღლესი განათლების, კვლევებისა და ინოვაციების (MESRI) სამინისტროებმა შეიმუშავეს პროგრამა პოსტ-დოქტორანტი მკვლევარებისთვის. პროგრამის ფარგლებში კვლევების განხორციელება შესაძლებელია საფრანგეთში დედამიწის შემსწავლელი შემდეგი მეცნიერებების მიმართულებით: კლიმატის ცვლილების მეცნიერება და მდგრადობა.

შოთა რუსთაველის საქართველოს ეროვნული სამეცნიერო ფონდი აცხადებს 2019 წლის დოქტორანტურის საგანმანათლებლო პროგრამების გრანტით დაფინანსების კონკურსს.

ილიას სახელმწიფო უნივერსიტეტისა და ბიზნეს კვლევების ცენტრი, მიმდინარე წლის 26 -28 ივნისს იწვევს დაინტერესებულ პარტნიორებს მონაწილეობის მისაღებად ინტერ - დისციპლინურ სემინარზე Building toxic free Europe: Interdisciplinary study of Phthalates’ implication - BROKERAGE EVENT HORIZON 2020.