ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამის „აღმზრდელის“ სტუდენტებმა სასწავლო პროცესის ფარგლებში საახალწლო თემატიკის აქტივობები განახორციელეს.

ინიციატივის მიზანი სასწავლო სივრცეში სადღესასწაულო განწყობის შექმნა იყო. სტუდენტებმა დაამზადეს საახალწლო დეკორაციები და საკუთარი ნამუშევრებით გააფორმეს სასწავლო აუდიტორია, რაც შემოქმედებითი უნარების განვითარებასა და სასწავლო გარემოს გაუმჯობესებას შეუწყო ხელი.