კაცობრიობის განვითარების თანამედროვე ეტაპზე ეკონომიკური თეორიის, ეკონომიკური აზროვნების განვითარებაში მნიშვნელოვანი მიღწევების მიუხედავად მისი დონე ჯერ კიდევ არადამაკმაყოფილებელია.
ამის დასტურია ხშირად განმეორებადი ენდოგენური თუ ეგზოგენური ფაქტორებით განპირობებული ეკონომიკური კრიზისები.
ეკონომიკური აზროვნების არასრულყოფილების მიზეზია არა მხოლოდ ის, რომ ეკონომიკა შედარებით ახალგაზრდა მეცნიერებაა, არამედ თვით ეკონომიკის სირთულე, მისი მრავალმხრივი, დინამიური და ცვალებადი ხასიათი.
ეკონომიკური მეცნიერების ერთ-ერთი უმთავრესი სირთულე ისიც არის, რომ ჩვენ არ გვაქვს ლაბორატორია და ჩვენი ჰიპოთეზების შემოწმება გვიხდება ეკონომიკაში მიმდინარე რეალურ ფაქტებზე დაყრდნობით.
ეკონომიკური აზროვნების განვითარებაზე წარმოდგენას გვიქმნის ეკონომიკის ერთ-ერთი ქვედარგი „ეკონომიკური დოქტრინები“, რომლის მიზანია - წარმოგვიდგინოს ეკონომიკური მეცნიერების თეორიული განვითარების გზა.
მისი უპირველესი ამოცანაა კონკრეტულ-ისტორიული ეპოქების სოციალურ-ეკონომიკურ სისტემათა ამსახველი იდეების შეფასება და იმ როლის ჩვენება, რომელსაც ეს იდეები ასრულებენ ეროვნული სიმდიდრის შექმნაში, მისი ძირითადი ფორმების არსის შემეცნებაში, მათი მიზეზ-შედეგობრივი კავშირების გამოვლენაში.
სემინარი ეხება ეკონომიკური თეორიის, ეკონომიკური აზროვნების, ეკონომიკური დოქტრინების მნიშვნელობის მოკლე ანალიზს თანამედროვე ეტაპზე, ასახავს მისი განვითარების თავისებურებებს, არსებულ სირთულეებს, ამ სირთულეების განმაპირობებელ ფაქტორებს, აგრეთვე შემდგომი განვითარების ძირითად მიმართულებებს.
| უკან |
