ახალი ამბები

შეფასებისა და გამოცდების ეროვნული ცენტრის დირექტორი თამარ მემანიშვილი ბათუმის შოთა რუსთაველის სახელმწიფო უნივერსიტეტში, ცენტრის წარმომადგენლებთან ერთად 2026 წლის გამოცდებთან დაკავშირებით აბიტურიენტებსა და მაგისტრანტობის კანდიდატებს შეხვდა. შეხვედრას ბსუ-ს რექტორი, ტიტე აროშიძე, რექტორის მოადგილე, გიორგი ქათამაძე და ბათუმის რესურსცენტრის უფროსი, გოჩა დავითაძე ესწრებოდნენ.

ბსუ-ში საერთაშორისო სამეცნიერო კონფერენციის „ჩვენი სულიერების ბალავარი - XV“ ფარგლებში, თურქეთის რესპუბლიკის ქალაქ ბორჩხაში მოქმედი ანსამბლის საღამო გაიმართა. ეთნიკური ქართველების მიერ შექმნილი ანსამბლი ბორჩხის მერიის ბაზაზე უკვე 6 წელია მოქმედებს და ასრულებს როგორც ძველ ქართულ, ისე ლაზურ სიმღერებს. კონფერენციის ფარგლებში ასევე გაიმართა სოფელ ჭვანას ხეობის ფოლკლორული ანსამბლის კონცერტი, რომელმაც ნიკო ბერძენიშვილის ინსტიტუტის არქივში დაცული სიმღერები შეასრულა.

ბათუმის შოთა რუსთაველის სახელმწიფო უნივერსიტეტში მიმდინარე კონფერენციის „ჩვენი სულიერების ბალავარი“ ფარგლებში, ბსუ-ს რექტორი ტიტე აროშიძე ქალაქ ბორჩხის მერს, ერჯან ორალ-დავითაძეს შეხვდა. გაცნობითი ხასიათის შეხვედრაზე მხარეებმა ორ ქვეყანას შორის არსებულ მეგობრულ ურთიერთობებზე ისაუბრეს, ერთობლივი პროექტების განხორციელებაზე შეთანხმდნენ და სამომავლო თანამშრომლობის გეგმები დასახეს.

ბსუ-ში ყოვლადწმიდა ღვთისმშობლის წილხვდომილობისა და წმიდა ანდრია პირველწოდებულის საქართველოში შემოსვლის ეროვნულ დღესასწაულთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის, საქართველოს საპატრიარქოს წმიდა ტბელ აბუსერისძის სახელობის სასწავლო უნივერსიტეტის, ქალაქ ბათუმის მერიის კულტურის ცენტრისა და კონსტანცას ოვიდიუსის უნივერსიტეტის ორგანიზებით საერთაშორისო სამეცნიერო კონფერენცია - „ჩვენი სულიერების ბალავარი“ – XV გაიხსნა.

Within the framework of the ongoing conference “The Pillar of Our Spirituality” at Batumi Shota Rustaveli State University, BSU Rector Tite Aroshidze met with the Mayor of Borchkhi, Erjan Oral-Davitadze. During the introductory meeting, the parties discussed the friendly relations between the two countries, agreed to implement joint projects, and outlined plans for future cooperation.