ბათუმის შოთა რუსთაველის სახელმწიფო უნივერსიტეტს ლუბლინის (პოლონეთი) მარი კიური-სკლოდოვსკას უნივერსიტეტის რექტორი რადოსლავ დობროვოლსკი და რექტორის მოადგილე დოროტა კოლოდინსკა ეწვივნენ. ბსუ-ს რექტორ ტიტე აროშიძესთან გამართულ შეხვედრაზე განიხილეს უნივერსიტეტებს შორის არსებული თანამშრომლობის საკითხები და სამომავლო პერსპექტივები.
16 აპრილს ბათუმის შოთა რუსთველის სახელმწიფო უნივერსიტეტში გაიმართა პროექტის „ხელუხლებელი ტყეების დაცვა, როგორც შავი ზღვის „მწვანე გადაწყვეტა“ პირველ ეროვნული შეხვედრა. შეხვედრას ესწრებოდნენ აჭარის ა/რ ხელისუფლების, სატყეო სამსახურების, გარემოს დაცვისა და ბუნებრივი რესურსების სამმართველოს, დაცული ტერიტორიების, ადგილობრივი არასამთავრობო ორგანიზაციების წარმომადგენლები, ექსპერტები, პროექტის განმახორციელებელი პარტნიორების-ბათუმის სახელმწიფო უნივერსიტეტისა და „თემი და გარემოს“ წევრები, უნივერსიტეტის პროფესორ მასწავლებლები და სტუდენტები.
ბათუმის შოთა რუსთაველის სახელმწიფო უნივერსიტეტში დიპლომირებული მედიკოსის ინგლისურენოვანი პროგრამის უცხოელმა სტუდენტებმა AGNI 4.0-ის ფესტივალი ოფიციალურად გახსნეს. AGNI ინდურ კულტურაში ცეცხლის დღესასწაულს განასახიერებს და სიწმინდის სიმბოლოდ მიიჩნევა. ღონისძიების მთავარი მიზანია სტუდენტების გაერთიანება, კულტურათაშორისი ურთიერთობის გაღრმავება და მეგობრული კავშირების ჩამოყალიბება.
ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე, მოადგილეები: გიორგი ქათამაძე და თამარ სირაძე, ადმინისტრაციის ხელმძღვანელი მერაბ დიასამიძე, ფაკულტეტების დეკანები, პროფესორ-მასწავლებლები და სტუდენტები, ადგილობრივი ხელისუფლების წარმომადგენლებთან ერთად, გმირთა ხეივანში შეიკრიბნენ, მემორიალი ყვავილებით შეამკეს და პატივი მიაგეს 1989 წლის 9 აპრილს საქართველოს დამოუკიდებლობისთვის დაღუპულ გმირთა ხსოვნას.
ბათუმის შოთა რუსთაველის სახელმწიფო უნივერსიტეტის სტუდენტებმა, რექტორმა და პროფესორ-მასწავლებლებმა 1989 წლის 9 აპრილს მთავრობის სასახლესთან საქართველოს დამოუკიდებლობისათვის დაღუპული გმირები გაიხსენეს.
