1 აპრილს დაიწყო და სამი დღე გაგრძელდა შვეიცარიის ტექნიკური ფედერალური ინსტიტუტის, თბილისის სახელმწიფო უნივერსიტეტისა და ეკონომიკური განათლებისა და განვითარების ცენტრის ერთობლივი საერთაშორისო სემინარი თემაზე ,,სამეცნიერო კვლევის მეთოდოლოგია“. სემინარის ფარგლებში ეკონომიკური მიმართულების პროფესორ-მასწავლებლებსა და დოქტორანეტებს სამეცნიერო კვლევის თანამედროვე მეთოდებისა და უცხოელი კოლეგების გამოცდილების გაზიარების საშუალება მიეცათ.
სსიპ დურმიშიძის სახელობის ბიოქიმიისა და ბიოტექნოლოგიის ინსტიტუტის დირექტორმა, აკადემიკოსმა ოთარ კვესიტაძემ რსუ საბუნებისმეტყველო მეცნიერებათა და სასოფლო-სამეურნეო ფაკულტეტის სტუდენტებისა და პროფესორ მასწავლებლებისათვის წაიკითხა საჯარო ლექცია თემაზე: ”ეკოლოგიური ბიოტექნოლოგიები და სურსათი”
საქართველოს სახალხო დამცველთან არსებულმა ტოლერანტობის ცენტრმა, რუსთაველის სახელმწიფო უნივერსიტეტის ბიბლიოთეკას მცირე ტირაჟით გამოცემული წიგნები: ”რელიგიები საქართველოში” და ”ეთნოსები საქართველოში” გადასცა. აღნიშნული ლიტერატურა გაეროს განვითარების პროგრამის და შვედური არასამთავრობო ორგანიზაციების SIPA და რაულ ვალენბერგის ადამიანის უფლებათა დაცვის ინსტიტუტის ფინანსური მხარდაჭერით გამოიცა.
რსუ წარმომადგენლობითმა საბჭომ განიხილა უნივერსიტეტის ადმინისტრაციის ხელმძღვანელის თანამდებობაზე დავით ლეკვეიშვილის კანდიდატურა და ფარული კენჭისყრით, სიითი შემადგენლობის უმრავლესობით (ოცდაორი ხმა ოთხის წინააღმდეგ) აღნიშნულ თანამდებობაზე დაამტკიცა. ადმინისტრაციის ხელმძღვანელის უფლებამოსილების ვადაა ოთხი წელი.
