ანონსები

13 სექტემბერს ბათუმის შოთა რუსთაველის სახელმწიფო უნივერსიტეტში გაიხსნება საერთაშორისო სამეცნიერო-პრაქტიკული კონფერენცია „ახალგაზრდული მეწარმეობა აღმოსავლეთ პარტნიორობის ქვეყნებში: ფორმირების გამოცდილება და განვითარების პერსპექტივები“. ორდღიანი კონფერენცია პროექტის „უმაღლესი სასწავლებლები ახალგაზრდული მეწარმეობისათვის“ Erasmus+-ის ფარგლებში ჩატარდება. ბათუმის შოთა რუსთაველის სახელმწიფო უნივერსიტეტი, ხარკოვის კვებისა და სავაჭრო სახელმწიფო უნივერსიტეტის, სომხეთის სახელმწიფო ეკონომიკური უნივერსიტეტის, ბელორუსიის სამომხმარებლო კოოპერაციის სავაჭრო-ეკონომიკური უნივერსიტეტს, მოლდოვის ტექნიკური უნივერსიტეტის, მოლდოვის ეკონომიკური აკადემიის, ISEBA უნივერსიტეტის, განათლების ინფორმატიზაციის საერთაშორისო სამეცნიერო აკადემიის (МАНИО) და ბათუმის №6 ფიზიკა-მათემატიკური საჯარო სკოლის ორგანიზებით ტარდება.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ორგანიზებით 2018 წლის 31 აგვისტოს - 1 სექტემბერს, სახალხო ზეიმის - „ბათუმობა“ ფარგლებში, ტარდება ბათუმის დედასამშობლოსთან დაბრუნების 140 წლისადმი მიძღვნილ IX საერთაშორისო სამეცნიერო კონფერენცია „ბათუმი - წარსული და თანამედროვეობა”. კონფერენციაზე საქართველოსა (ბათუმი, თბილისი, ქუთაისი, გორი) და უცხოეთის (რუმინეთი, რუსეთი, ჩინეთი, თურქეთი) უმაღლესი სასწავლო-სამეცნიერო ცენტრების წარმომადგენლები 40-ზე მეტ სამეცნიერო მოხსენებას წარმოადგენენ.

9 აგვისტოს, 13:00 საათზე, ბსუ-ს ბიბლიოთეკაში, ბათუმის შოთა რუსთაველის სახელმწიფო უნივერსიტეტი, გამომცემლობასთან ერთად „წიგნები ბათუმში“ რუსეთ-საქართველოს ომის 10 წლისთავთან დაკავშირებით ატარებს დისკუსიას და წიგნის “(S)hero(es)” პრეზენტაციას.
წიგნის ავტორები მწერალი სალომე ბენიძე და ფოტოგრაფი დინა ოგანოვა წარადგენენ ფოტოწიგნს “(S)hero(es)”. ქართულ და ინგლისურენოვანი წიგნი გამომცემლობამ „წიგნები ბათუმში“ გამოსცა. წიგნის მთავარი გმირები ქალები არიან, ქალები, რომლებიც ამ ომის თვითმხილველები და მონაწილენი გახდნენ, რომლებმაც შეიარაღებული კონფლიქტის შედეგად ყველაზე ახლობელი ადამიანები დაკარგეს, ქალები, რომელთა ცხოვრებაც ომმა სამუდამოდ შეცვალა.

26-28 ივლისს, ბათუმის შოთა რუსთაველის სახელმწიფო უნივერსიტეტში საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის ორგანიზებით საჯარო ლექციების ციკლი გაიმართება. მიხეილ უკლება, კონსტანტინე ჟღენტი, მამუკა ციხელაშვილი, არჩილ ყარაულაშვილი და ნიკოლოზ რთველიაშვილი ლექციებს წაიკითხავენ დიპლომატიის აქტუალურ საკითხებზე.

22 ივნისს, 13:00 საათზე, ბათუმის შოთა რუსთაველის სახელმწიფო უნივერსიტეტში (42-ე აუდიტორია) გაიმართება ილიას სახელმწიფო უნივერსიტეტის პროფესორის, პოეტ ცირა ბარბაქაძის პირველი ტვიტერატურული კრებულის - „ყველაფერი (თ)ამაშია“ წარდგენა. ღონისძიების ფარგლებში წიგნის ავტორი ასევე წაიკითხავს საჯარო ლექციას თემაზე: „რა არის ტვიტერატურა?“.