ანონსები

ნატოს დღეების ფარგლებში, 22 აპრილს, 19.00 საათზე, ბათუმის შოთა რუსთაველის სახელმწიფო უნივერსიტეტში, საქართველოს საგარეო საქმეთა მინისტრი მიხეილ ჯანელიძე აჭარის რეგიონის ადგილობრივი თვითმმართველობების წარმომადგენლებს, უნივერსიტეტის პროფესორ-მასწავლებლებს, სტუდენტებს და სამოქალაქო სექტორისა და მედიის წარმომადგენლებს შეხვდება.

19 აპრილს, 14;00 საათზე, ბათუმის შოთა რუსთაველის სახელმწიფო უნივერსიტეტში, 534-ე აუდიტორიაში გაიმართება აჭარის ა.რ. დასაქმების სააგენტოს დასაქმების ხელშეწყობის უზრუნველყოფის მიზნობრივი პროგრამის „სტუდენტური დასაქმების ხელშეწყობა“ ქვეპროგრამის წარდგენა. „სტუდენტური დასაქმების ხელშეწყობა“ სტუდენტებს სთავაზობს შრომის ბაზრის მოთხოვნების შესაბამის დამატებით პროფესიებში ახალი შრომითი უნარების დაუფლებას სასწავლო გრაფიკთან თავსებადი მოკლევადიანი სწავლების გზით.

18 აპრილს, 13:00 საათზე, ბათუმის შოთა რუსთაველის სახელმწიფო უნივერსიტეტის სააქტო დარბაზში გაიმართება DAAD-ის (გერმანული აკადემიური გაცვლის სამსახური) სტიპენდიის - პროგრამა საქართველოსთვის 2019/2020 წარდგენა. ბერთოლდ ლინდერი სხვადასხვა ფაკულტეტის სტუდენტებს პროგრამაში მონაწილეობის წესებსა და პირობებს გააცნობს.

3 აპრილს, 13:00 საათზე, აუდიტორია N430, საქართველოს პარლამენტის წევრი, საგარეო ურთიერთობათა კომიტეტის თავმჯდომარე დიმიტრი ცქიტიშვილი სტუდენტებთან და უნივერსიტეტის აკადემიურ პერსონალთან გამართავს შეხვედრას. დიმიტრი ცქიტიშვილი საჯარო ლექციას წაიკითხავს თემაზე: „საქართველოს საგარეო პოლიტიკის მიმართულებები და პრიორიტეტები“.

ღია სემინარი "რა უნდა მე-ს"
"ქოუჩინგ ლაბის" ორგანიზებით ბათუმის შოთა რუსთაველის სახელმწიფო უნივერსიტეტში გაიმართება ღია სემინარი პიროვნული განვითარების თემაზე.
ვინ ვარ? როგორი ადამიანი ვარ? რა მინდა? რა შემიძლია? - ეს არის ადამიანისთვის ყველაზე აქტუალური კითხვები და პასუხების ძიებაში ხშირად ბევრ არაორდინალურ ქმედებასაც ჩავდივართ. ადამიანის სააზროვნო სისტემა ძლიერი მექანიზმია, რომელსაც არაერთი მიმართულება შეისწავლის, მათ შორის ქოუჩინგი. ეს არის ადამიანის პოტენციალის აღმოჩენის ტექნოლოგია, მისი ეფექტურობის მაქსიმალურად გაზრდის მიზნით.