ბსუ-ს სტუდენტებმა მონაწილეობა მიიღეს მე-3 საერთაშორისო სამეცნიერო და პრაქტიკულ კონფერენციაზე სახელწოდებით: «Communication as a Factor of Transparency of Social Interaction: Psychological, Historical, Legal, Economic and Political Dimensions».

ბათუმის შოთა რუსთაველის სახელმწიფო უნივერსიტეტმა სხვადასხვა სკოლების მოსწავლეებს უმასპინძლა მოწვეული მასწავლებლის ირინე ცინცაძის, ასოცირებული პროფესორების ლალი ჟღენტისა და გუგული დუმბაძის ხელმძღვანელობით. მოსწავლეებს მიეცათ შესაძლებლობა გაცნობოდნენ საბუნებისმეტყველო მეცნიერებათა და ჯანდაცვის ფაკულტეტის ბაზაზე არსებულ ლაბორატორიებს და „სამედიცინო განათლებისა და მედიკოსთა პროფესიული განვითარების ცენტრს“, სტუმრებმა დაათვალიერეს უნივერსიტეტის ინფრასტრუქტურა და მონაწილეობა მიიღეს სახალისო ლაბორატორიულ აქტივობებში.

ბსუ-ს ქიმიის დეპარტამენტმა აბაშის მუნიციპალიტეტის კეთილარის საჯარო სკოლის მოსწავლეებს უმასპინძლა. სტუმრებს ქიმიის სამივე საფეხურის საგანმანათლებლო პროგრამების და საერთოდ სტემ განათლების პოპულარიზაციის მიზნით ესაუბრა ქიმიის დეპარტამენტის ხელმძღვანელი, ასოცირებული პროფესორი მაია ვანიძე, ხოლო მოწვეულმა პედაგოგებმა მაია ხარაძემ და ნონა აბაშიძემ აჩვენეს სახალისო ცდები. სასკოლო კვლევების ფარგლებში დოქტორმა მერი ხახუტაიშვილმა მოსწავლეების ჩართულობით ჩაატარა სხვადასხვა ლოკაციიდან აღებული წყლის ნიმუშების ანალიზი. აგრეთვე მოსწავლეები ეწვივნენ დასავლეთ საქართველოს რეგიონულ ქრომატოგრაფიულ ცენტრს, სადაც პროფესორი ალეკო კალანდია სტუმრებს ესაუბრა ცენტრში მიმდინარე კვლევებზე, ხოლო დოქტორმა მაია ხარაძემ გააცნო რეფრაქტომეტრის მუშაობის პრიციპები და ჩაატარა რამოდენიმე ნიმუშის კვლევა მოსწავლეთა მონაწილეობით.

ბათუმის შოთა რუსთაველის სახელმწიფო უნივერსიტეტში სისხლის დონაციის აქცია გაიმართა. აქციაში მონაწილეობა მიიღეს დიპლომირებული მედიკოსის ერთსაფეხურიანი ინგლისურენოვანი საგანმანათლებლო პროგრამის სტუდენტებმა. ღონისძიება მიზნად ისახავდა უანგარო დონორობის დამკვიდრებასა და პოპულარიზაციას. სისხლის ბანკის შესავსებად, ბსუ-ში რამდენიმე წელია ეტაპობრივად იმართება უანგარო დონორთა აქცია. ღონისძიება ბსუ-ს საბუნებისმეტყველო მეცნიერებათა და ჯანდაცვის ფაკულტეტისა და სისხლის ბანკის ორგანიზებით მოეწყო.

28-31 მარტს თბილისში ჩატარდა მოსწავლეთ საერთაშორისო გუნდური შეჯიბრება ქიმიაში. International Chemistry Competition „Golden Fleece 2024" ტურნირში „ოქროს საწმისი“ ერთმანეთს ეჯიბრებოდნენ საქართველოსა და სხვა ქვეყნების მოსწავლეები. ბათუმიდან შეჯიბრებაში მონაწილეობა მიიღო ბათუმის წმინდა ანდრია პირველწოდებულის სახელობის სკოლის გუნდმა ბათუმის შოთა რუსთაველის სახელმწიფო უნივერსიტეტის ბუნებრივ ნაერთთა სადოქტორო პროგრამის დოქტორანტის, ნონა აბაშიძის მენტორობით. გუნდმა მეორე საპრიზო ადგილი და ვერცხლის მედალი მოიპოვა. ბსუ ულოცავს მოსწავლეებს გამარჯვებას და უსურვებს წარმატებებს.