თურქეთის ართვინის ჭოროხის უნივერისტეტის პროფესორ ოზგურ ემინაღაოღლუს წიგნის „ართვინის ბუნებრივი მცენარეულობა“ პრეზენტაცია გაიმართა ბათუმის შოთა რუსთაველის სახელმწიფო უნივერსიტეტში. საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის პროფესორ-მასწავლებლებმა, მაგისტრანტებმა და დოქტორანტებმა, ბათუმის ბოტანიკური ბაღის მეცნიერ-თანამშრომლებთან ერთად მონაწილეობა მიიღეს წიგნის განხილვაში. „ართვინის ბუნებრივი მცენარეულობა“ პროფესორ ოზგურ ემინაღაოღლუს ხელმძღვანელობით ორი წლის განმავლობაში მზადდებოდა. სახელმძღვანელოში აღწერილია 2727 სახეობის მცენარე, რომლებიც კლასიფიცირდებიან 137 ოჯახსა და 761 გვარში.

11 მაისს, საბუნებისმეტყველო მეცნიერებათა და ჯანდაცვის ფაკულტეტის მედიცინის სპეციალობის პირველკურსელები დაბა ქედისა და ქედის მუნიციპალიტეტის პირველი მაისის საჯარო სკოლის მოსწავლეებს შეხვდნენ და აჭარის რეგიონში ფართოდ გავრცელებულ პარაზიტულ დაავადებებზე მიაწოდეს ინფორმაცია. სტუდენტებმა მოსწავლეებს ენტერობიოზის, ასკარიდოზის, ტრიქოცეფალოზის და ლამბლიოზის პათოგენეზზე, მოსალოდნელ გართულებებზე, დიაგნოსტირების გზებზე, პროფილაქტიკის ღონისძიებებზე და მოზარდის ჯანმრთელობისათვის ჰიგიენური წესების დაცვაზე ესაუბრეს. საინფორმაციო შეხვედრა ბიოლოგიის დეპარტამენტის ასოცირებული პროფესორის ნინო ლომთათიძისა და ასისტენტ პროფესორის გუგული დუმბაძის ხელმძღვანელობით გაიმართა.

2016 წლის 5 მაისს, საბუნებისმეტყველო მეცნიერებათა და ჯანდაცვის ფაკულტეტის ორგანიზებით, ჩერნობილის კატასტროფის 30 წლისთავისადმი მიძღვნილი ვორქშოპი ჩატარდა. ვორქშოპზე ჩერნობილის ატომური ელექტროსადგურის მე-4 ბლოკზე მომხდარი ავარია და მსოფლიოში ყველაზე მასშტაბური ეკოლოგიური კატასტროფა გაიხსენეს და შედეგებზე ისაუბრეს ორგანიზატორებმა, მოწვეულმა სტუმრებმა და სტუდენტებმა.

2016 წლის 2 მაისს, საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის პროფესორ-მასწავლებლებმა, მაგისტრანტებმა და დოქტორანტებმა, ბათუმის ბოტანიკური ბაღის მეცნიერ-თანამშრომლებთან ერთად, მონაწილეობა მიიღეს თურქეთის ართვინის ჭოროხის უნივერისტეტის პროფესორ ოზგურ ემინაღაოღლუს წიგნის „ართვინის ბუნებრივი მცენარეულობა“ საჯარო განხილვაში.

დღეს, სასკაჩევანის უნივერსიტეტს (კანადა), ჯანდაცვისა და გარემოს უსაფრთხოების კანადურ ცენტრსა (CCHSA) და ბათუმის შოთა რუსთაველის სახელმწიფო უნივერსიტეტს შორის ურთიერთანამშრომლობის ხელშეკრულება გაფორმდა. ხელშეკრულება რესპირაციულ მედიცინაში ერთიანი კვლევების განხორციელებას ითვალისწინებს. ერთობლივი კვლევის მიზანი გეოგრაფიული ვარიაციების კავშირის დადგენაა ასთმის დიაგნოზთან, მის გავრცელებასა და სიმწვავესთან , რომელსაც კანადელი მკვლევარი ჯოშ ლოვსონი საბუნებისმეტყველო და ჯანდაცვის ფაკულტეტის პროფესორ ვახტანგ ბერიძესთან ერთად განახორციელებს. კანადელი დოქტორის ჯოშ ლოვსონი ვიზიტის ფარგლებში პროფესორ-მასწავლებლებისა და ექიმებისათვის ჩატარდება სემინარი მტკიცებითი მედიცინის აქტუალურ საკითხებსა და უცხოენოვანი პროგრამის სტუდენტებისათვის ღია ლექცია - ბიოსტატისტიკისა და ეპიდემიოლოგიის დარგში.