ახალგაზრდობის რეგიონული ცენტრის ორგანიზებით გაიმართა „ასტრონომიული ბანაკი“, რომელშიც მონაწილეობდნენ ძირითადად აჭარის რეგიონის მოზარდები. ბანაკის სასწავლო პროგრამა მომზადებული იყო ბათუმის შოთა რუსთაველის სახელმწიფო უნივერსიტეტის ასოცირებული პროფესორების - იზოლდა ჯაბნიძისა და ინგა დიასამიძის - ხელმძღვანელობით.

მონაწილე ახალგაზრდებს მიეცათ უნიკალური შესაძლებლობა, თეორიული ცოდნა რეალურ სამეცნიერო პრაქტიკაში გამოეყენებინათ: მაკრო და მიკროსამყაროში ემოგზაურათ, დაკვირვებოდნენ ვარსკვლავებს, გამოეყენებინათ ტელესკოპი და მიკროსკოპი, გაცნობოდნენ საქართველოს ბიომრავალფეროვნებას და მასზე მოქმედ ფაქტორებს. აღმოეჩინათ მეცნიერების პრაქტიკული მხარე.

ბანაკის დასკვნით ეტაპზე მონაწილეებს გადაეცათ სერთიფიკატები.