11 სექტემბერს, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის მეცნიერ-თანამშრომლები ნაილა ჩელებაძე და მაია ჭიჭილეიშვილი მონაწილეობდნენ ქრისტიანობის სახელმწიფო რელიგიად გამოცხადების 1700 წლისადმი მიძღვნილ სამეცნიერო კონფერენციაში - „პატრიარქი ილია II და საქართველო“.
კონფერენცია, ხინოწმინდის სამონასტრო კომპლექსში, „ხინოწმინდობის“ სახალხო დღესასწაულის ფარგლებში ჩატარდა. მკვლევრებმა სამეცნიერო ღონისძიებაზე წარადგინეს მოხსენებები: „ხინოს მოსახლეობის ფოლკლორულ-ეთნოგრაფიულ მასალებში ასახული ქრისტიანული მემკვიდრეობა“ და „სკულპტურული გამოსახულებები ხინოწმინდის ეკლესიიდან“.
კონფერენცია მიზნად ისახავდა კინტრიშის ხეობის ეროვნული ფასეულობების, ხინოწმინდის ეპარქიის, როგორც კულტურულ-სასულიერო ცენტრის მნიშვნელობის წარმოჩენას.
სამეცნიერო ღონისძიება აჭარის კულტურის სამინისტროსა და კულტურული მემკვიდრეობის დაცვის სააგენტოს ორგანიზებით გაიმართა.
| უკან |
