2025 წლის 21-25 ივლისს ბსუ-ს სტრატეგიული განვითარებისა და საერთაშორისო ურთიერთობების დეპარტამენტს „ერაზმუს+“-ის გაცვლითი პროგრამის ფარგლებში ბიალისტოკის უნივერსიტეტის (პოლონეთი) საერთაშორისო ურთიერთობების ოფისის ხელმძღვანელი ანა მაი ეწვია.

ბიალისტოკის უნივერსიტეტის საერთაშორისო ურთიერთობათა ოფისი (პოლონეთი) 2024 წლის 3-7 ივნისს იწვევს დაინტერესებულ პირებს საერთაშორისო კვირეულში მონაწილეობის მისაღებად. საერთაშორისო კვირეულში მონაწილეობა შეუძლიათ საერთაშორისო ოფისის თანამშრომლებს, ხარისხის უზრუნველყოფის სამსსახურის თანამშრმლებსა და იმათ, ვინც დაინტერესებული და ჩართულია ინტერნაციონალიზაციის პროცესში.

თბილისის სახელმწიფო უნივერსიტეტსა და ბრიტანულ უნივერსიტეტში, უმაღლესი განათლების ინტერნაციონალიზაციის ხელშეწყობის მიზნით, საერთაშორისო Excellence School-ი ჩატარდა. ღონისძიების თემატიკა მოიცავდა განათლების, ჰუმანიტარული და სოციალური მეცნიერებების მიმართულებით შემდეგ საკითხებს: საპროექტო შეთავაზებების შემუშავება საგრანტო კონკურსებისათვის, საკონკურსო პროექტების მართვის საუკეთესო პრაქტიკები და საკონკურსო პროექტების ფინანსური ასპექტები. საერთაშორისო სკოლაში მონაწილეობდნენ დოქტორანტები და ახალგაზრდა მკვლევრები საქართველოს და საერთაშორისო უმაღლესი საგანმანათლებლო დაწესებულებებიდან. ღონისძიებაში ბსუ-დან ჩართული იყვნენ, სტრატეგიული განვითარებისა და საერთაშორისო ურთიერთობების დეპარტამენტის მთავარი სპეციალისტი ნუნუ ჯაფარიძე, იურიდიული და სოციალურ მეცნიერებათა ფაკულტეტის დეკანის მოადგილე, სალომე კარალიძე და თარგმნისა და ინტერდისციპლინარული კვლევების ცენტრის სპეციალისტი თამთა ნაგერვაძე.

იტალიის უნივერსიტეტების საერთაშორისო საგანმანათლებლო პროექტის „GPSeducation – Green and Pink for Sustainable Education“ ფარგლებში 2025 წლის 23 ნოემბრიდან 6 დეკემბრამდე ბსუ-ს საბუნებისმეტყველო მეცნეირებათა და ჯანდაცვის ფაკულტეტის ასოც. პროფ. თამარ პეშკოვამ განხორციელა ორკვირიანი აკადემიური ვიზიტი ფოჯას უნივერსიტეტში (University of Foggia, იტალია), ვიზიტორი პროფესორის (Visiting Professor) სტატუსით. აღნიშნული ვიზიტი განხორციელდა პროექტის სამეცნიერო კოორდინატორის, პროფესორ მარიანტონიეტა ფიორეს ოფიციალური მოწვევის საფუძველზე.

საქართველოს იუნესკოს საქმეთა ეროვნული კომისია იწვევს მსურველებს წარმოადგინონ საპროექტო განაცხადები UNESCO -ს 2024-2025 წლების “მონაწილეობის პროგრამის” ფარგლებში დაფინანსების მოსაპოვებლად.

27-28 იანვარს ბსუ-ს პერსონალის პროფესიული განვითარების მიზნით, ჩატარდა ტრენინგი საერთაშორისო საგრანტო პროექტების ფინანსური მართვისა და მონიტორინგის საკითხებზე. ტრენინგზე განიხილეს საპროექტო განაცხადების ბიუჯეტის შედგენის პრინციპები და მოთხოვნები.ტრენინგი ჩაატარა ილიას სახელმწიფო უნივერსიტეტის განვითარების სამსახურის საერთაშორისო პროექტების ფინანსურმა მენეჯერმა მანანა სალუქვაძემ.

გამოცხადდა იაპონიის მთავრობის (MEXT) მიერ დაფინანსებული საგრანტო პროგრამა „NIKKENSEI“ იაპონური ენის შემსწავლელი სტუდენტებისთვის.

24-25 იანვარს, ბათუმის შოთა რუსთაველის სახელმწიფო უნივერსიტეტის აკადემიური, ადმინისტრაციული და დამხმარე პერსონალის პროფესიული განვითარების მიზნით, ჩატარდა ტრენინგი თემაზე: „უმაღლესი განათლების და მეცნიერების ინტერნაციონალიზაცია“. ტრენინგს უძღვებოდა უმაღლესი განათლების ექსპერტი, თსუ ასოც. პროფესორი ირინე დარჩია. ორდღიან ტრენინგზე ყურადღება გამახვილდა ერთობლივი საერთაშორისო საგანმანათლებლო პროგრამის შედგენასა და საერთაშორისო აკრედიტაციის საკითხებზე, რაც აქტუალურია უნივერსიტეტის სტრატეგიული განვითარების თვალსაზრისით.