სსიპ – ბათუმის შოთა რუსთაველის სახელმწიფო უნივერსიტეტის წარმომადგენლობითი საბჭოს 2016 წლის 9 მარტის №4 გადაწყვეტილების საფუძველზე, დაიწყო 2016-2017 სასწავლო წლის მე-2 სემესტრში სპეციალური სასწავლო სოციალური პროგრამის – „სტუდენტთა შეღავათები სწავლის საფასურში“ განხორციელება.
კონკურსში მონაწილეობის მიღება შეუძლიათ საქართველოს მოქალაქეობის მქონე, ბსუ-ს უმაღლესი აკადემიური განათლების პირველი საფეხურის სტუდენტებს, ხოლო შეზღუდული შესაძლებლობის მქონე აკადემიური უმაღლესი განათლების სამივე საფეხურის სტუდენტებს, სწავლების მე-2 სემესტრიდან.

მემორანდუმი კარატეს აჭარის კარატეს ფედერაციასთან

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და აჭარის კარატეს ფედერაციის პრეზიდენტმა გოჩა სურმანიძემ თანამშრომლობის მემორანდუმს მოაწერეს ხელი. ხელშეკრულება ერთობლივი სპორტული ღონისძიებების, პროგრამებისა და პროექტების განხორციელებას ითვალისწინებს. თანამშრომლობის ფარგლებში უნივერსიტეტში სტუდენტებისათვის კარატეს უფასო კურსები ამოქმედდება.

ბსუ-ს ფუტსალის ნაკრებმა ფუტსალის პირველ საერთაშორისო ტურნირში "აჭარა 2017" პირველობა მოიპოვა. შეჯიბრში ბათუმის სახელმწიფო უნივერსიტეტის გუნდი, ბათუმის „დინამო“-ს გუნდი, აზერბაიჯანის „გენჩერბირლინგ“ -ი და მოსკოვის „ვერშინ“-ი მონაწილეობდნენ.

ბათუმის შოთა რუსთაველის სახელმწიფო უნივერსიტეტში საახალწლო კონცერტი გაიმართა. უმაღლესი საგანმანათლებლო დაწესებულების რექტორმა მერაბ ხალვაშმა სტუდენტებს დამდეგი ახალი წელი მიულოცა და წარმატებები უსურვა. მაყურებლის წინაშე პირველად წარსდგა უნივერსიტეტის ვოკალურ-ინსტრუმენტული ბენდი „ბსუ’’.

ბათუმის შოთა რუსთაველის სახელმწიფო უნივერსიტეტის სტუდენტურმა თეატრმა „დასმა“ საერთაშორისო ფესტივალის - „ნიღაბი 2016“ ორ ნომინაციაში გაიმარჯვა. ბათუმელი სტუდენტები მაყურებლის წინაშე რეჟისორ როინ დვალის მიერ დადგმული სპექტაკლით - „დარისპანის გასაჭირი“ წარსდგნენ. კომპეტენტური ჟიურის გადაწყვეტილებით, ქალის საუკეთესო როლის შემსრულებლად სოციალურ და პოლიტიკურ მეცნიერებათა ფაკულტეტის მეოთხე კურსის სტუდენტი მარიამ ქიქავა დასახელდა, ხოლო ფესტივალის სპეციალური პრიზი ფესტივალის საპატიო წევრს, ბსუ-ს სტუდენტთა მომსახურებისა და მხარდაჭერის სამსახურის მთავარ სპეციალისტს როინ დვალს გადაეცა. უნივერსიტეტი სტუდენტურ თეატრ „დასს“ ულოცავს გამარჯვებას და უსურვებს წარმატებებს.