2022 წლის 22-23 ოქტომბერს, ათენში, საბერძნეთის ღია უნივერსიტეტში ტარდება მესამე სამეცნიერო კონფერენცია გარემოსდაცვითი პროექტის შესახებ (მდგრადი განვითარება, დაბინძურება, ენერგია, ქალაქ-შენობები, სატრანსპორტო საშუალებები, ეროზია, კლიმატის ცვლილებები, პოლიტიკა). კონფერენციის მასალები დაიბეჭდება IOP Conference Series: Earth and Environmental Science-ში, რომელიც არის ინდექსირებული Scopus-ის ბაზაზე. აბსტრაქტების გაგზავნის ბოლო ვადაა 27 მაისი.

ბათუმის შოთა რუსთაველის სახელმწიფო უნივერსიტეტის სამეცნიერო კვლევების სამსახურის ორგანიზებით დოქტორანტებისათვის სამეცნიერო ბაზებისა და სლოვაკეთის რესპუბლიკის ეროვნულ სასტიპენდიო პროგრამის პრეზენტაცია გაიმართა. სამსახურის უფროსმა თამარ მაჩუტაძემ ახალგაზრდა მკვლევრებს სამეცნიერო ბაზების გამოყენებისა და გაცვლით პროგრამაში მონაწილეობის პირობები გააცნო. პროგრამაში მონაწილეობის მისაღებად განაცხადების შეტანა შესაძლებელია წელიწადში ორჯერ: 2022 წლის 30 აპრილამდე და 2022 წლის 31 ოქტომბრამდე.

უკრაინაში, მიმდინარე საომარი მოქმედებების მიუხედავად, 2022 წლის 29 აპრილს იმართება საერთაშორისო ონლაინ კონფერენცია: „ტენდენციები და პერსპექტივები, მეცნიერებისა და განათლების განვითარება გლობალიზაციის პირობებში“. კონფერენცია ინტერდისციპლინარულია და მოიცავს შემდეგ მიმართულებებს: ბიოლოგიური მეცნიერებები, გეოგრაფია და გეოლოგია, ეკოლოგია, ტურიზმი, სახელმწიფო ადმინისტრაცია, ეკონომიკა, მენეჯმენტი და მარკეტინგი, ჟურნალისტიკა. სოციოლოგია, ისტორია, კულტუროლოგია, პოლიტოლოგია, იურიდიული მეცნიერებები, ხელოვნება, პედაგოგიკა, ფსიქოლოგია, საინფორმაციო ტექნოლოგიები, ფიზიკა-მათემატიკა, ფიზიკური აღზრდა და სპორტი, ფილოლოგია, ფილოსოფია, ქიმია, მედიცინა, ფარმაცია, სოფლის მეურნეობა, ტექნიკური მეცნიერებები. ტრანსპორტი, არქიტექტურა და მშენებლობა, ჯანდაცვა.

2022 წლის 23-24 ივნისს, ქალაქ ნიღდეში (თურქეთი) ჩატარდება მეცნიერებისა და ინჟინერიის მე-4 საერთაშორისო თურქული კონგრესი - TURK-COSE 2022. კონგრესი იმუშავებს შემდეგი მიმართულებებით: საინფორმაციო და სატელეკომუნიკაციო ტექნოლოგიები, ბუნებრივი და გამოყენებითი მეცნიერებები, ფიზიკა და ტექნიკური მეცნიერებები, მატერიალური მეცნიერებები, სამშენებლო ტექნოლოგიები და საინჟინრო სოფლის მეურნეობის მეცნიერებები. დეტალური ინფორმაცია კონგრესის შესახებ იხილეთ დანართში.

UNESCO აცხადებს კონკურსს ახალგაზრდა მკვლევრებისთვის 2022 წლის Silk Roads Youth Research Grant-ის გრანტის მონაწილეთა შესარჩევად. გრანტის მოსაპოვებლად, კანდიდატის კვლევა უნდა მოიცავდეს საკითხებს, რომლებიც ეხება აბრეშუმის გზის ზიარ მემკვიდრეობას, აბრეშუმის გზის მრავალფეროვნებას და მის როლს თანამედროვე საზოგადოებების შემოქმედებაში, კულტურათაშორის დიალოგში, სოციალურ ერთიანობაში, რეგიონალურ და საერთაშორისო თანამშრომლობაში, ასევე მდგრად მშვიდობასა და განვითარებაში. 12 გრანტი გაიცემა 35 წლამდე ახალგაზრდა მვლევრებზე.