ეროვნული სამეცნიერო ბიბლიოთეკა პროფესორ-მასწავლებლებისა და პედაგოგებისათვის ატარებს ტრენინგს თემაზე: „ღია განათლება და ღია საგანმანათლებლო რესურსები“. ტრენინგი წარიმართება შემდეგ თემატიკაზე: განათლების თანამედროვე გამოწვევები - პანდემია კოვიდ -19; დისტანციურ სწავლა/სწავლებასთან დაკავშირებული პრობლემების იდენტიფიკაცია საქართველოში (გამოკითხვა რეაგირების სისტემის MENTIMETER-ის საშუალებით); საერთაშორისო ორგანიზაციების გამოხმაურება (UNESCO) და დასავლეთ ევროპის ზოგიერთი ქვეყნის გამოცდილების გაზიარება; ღია განათლება როგორც თანამედროვეობის მიღწევა; ღია საგანმანათლებლო რესურსები, ტიპები, გამოყენების სარგებელი და შედეგები და ღია ლიცენზია - CREATIVE COMMONS.

კვლევის განვითარების, სწავლებისა და კონსულტაციის ინსტიტუტი - IRDTA, ბრიუსელი/ლონდონი აცხადებს მიღებას შემდეგ საერთაშორისო სკოლებში მონაწილეობას: მე-5 საერთაშორისო სკოლა დიდ ბრიტანეთში 2022 17-21 იანვარი; მე-6 საერთაშორისო სკოლა, პორტუგალია, 2022 წლის 18-22 აპრილი, მე-7 საერთაშორისო სკოლა, ესპანეთი, 2022 წლის 25-29 ივლისი. საზაფხულო სკოლაში მონაწილეობა შეუძლიათ პროფესორ-მასწავლებლებსა და სტუდენტებს. დამატებითი ინფორმაცია იხილეთ შემდეგ მისამართზე.

კრაკოვის იოანე პავლე II- ის უნივერსიტეტი იწვევს დოქტორანტებს და მკვლევარებს III საერთაშორისო სამეცნიერო კონფერენციაზე „ტრადიციები და ჩვეულებები კულტებსა და რელიგიებში“ მონაწილეობის მისაღებად. კონფერენცია გაიმართება პოლონეთში, ქალაქ კრაკოვში, 2021 წლის 18-19 ოქტომბერს. დამატებითი ინფორმაციისათვის ეწვიეთ ბმულს: https://forms.gle/6hKzkMerqUMzd6cq7

ბელგიის ზღვისიქითა მეცნიერების სამეფო აკადემია (l’Académie Royale des Sciences d’Outre-Mer (ARSOM)) აცხადებს აკადემიის ყოველწლიურ სამეცნიერო კონკურსს. კონკურსი ღიაა მეცნიერებისთვის მთელი მსოფლიოდან ასაკობრივი შეზღუდვის გარეშე. თითოეულ კატეგორიაში (კვლების კითხვის შესაბამისად) გამარჯვებული ნაშრომი მიიღებს 2500 ევროს. კონკურსში მონაწილეობისთვის ნაშრომი უნდა იყოს სამეცნიერო, ორიგინალური და ახალი (მაქსიმუმ 5 წლის). განსახილველად მიიღება სადოქტორო ან შესაბამისი დონის ნაშრომები. შესაძლებელია ნაშრომების წარმოდგენა ფრანგულ, ჰოლანდიურ, გერმანურ, ინგლისურ და ესპანურ ენებზე. ნაშრომი აკადემიის სამდივნოში უნდა მივიდეს შეკითხვის გამოქვეყნების წლიდან მომდევნო წლის 1 მარტამდე სამ ეგზემპლარად (ამობეჭდილი) და დამატებით, ერთი ელექტრონული ვერსია. კონკურსში მონაწილემ ნაშრომს თან უნდა დაურთოს ნაშრომის მოკლე აღწერილობა (1200 სიტყვა) და CV. გამარჯვებული ნაშრომები გამოვლინდება მაისში.

2021 წლის 9-10 სექტემბერს იმართება პირველი საერთაშორისო სამეცნიერო და იინტერნეტ კონფერენცია: „COVID-19 პანდემიის გავლენა თანამედროვე მსოფლიოს განვითარებაზე: საფრთხეები და შესაძლებლობები", რომელიც მიეძღვნება COVID-19 პანდემიასთან დაკავშირებულ განვითარების შესაძლებლობებს მეცნიერებაში.