თანამედროვე ელექტრონიკისა და კომპიუტერული მეცნიერებების სწრაფი განვითარება სულ უფრო რეალურს ხდის ჭკვიანი ნივთების, ჭკვიანი სახლებისა და ქალაქების თითქოსდა ფანტასტიკუტ იდეას. დღეისათვის უამრავი იდეაა რეალიზებული ამ მიმართულებით. მიკროპროცესორებისა და მიკროკონტროლერების მზარდმა შესძლებლობებმა იდეა ჭკვიანი ნივთები რეალურად შემოიტანა ადამიანის ცხოვრებაში და იესეთი ნივთები როგორიცაა ამაზონის „ექო“ და გუგლის „ასისტენტი“ მისღებ ფასებში უკვე მაღაზიებშია. ეს ნივთები ადამიანებს საშუალებებს აძლევენ ხმოვანი ბრძანებებით მართონ ნივთები, მიიღონ ხმოვანი და ვიდეო ინფორმაციები თითქმის ყველაფერზე: ამინდი, ტემპერატურა შინ და სხვა ქალაქებში, ინფორმაციები პრეზიდენტებზე და იმნებზე, სიტყვებისა და ფრაზების თარგმნა სხვადასხვა ენებზე. მათ შეუძლიათ მოიძიონ და გაუშვან მუსიკალური და ვიდეო ფაილები, მართონ საოჯახო ტექნიკა სიტყვიერი ბრძანებით და სხვა.
სემინარზე განხილული და დემონსტრირებული იქნება ამაზონის ჭკვიანი სახლის სამართავი გაჯეტი „ექო“. მისი შესაძლებლობები და პერსპექტივები. ამასთანავე განვიხილავთ „ექოს“ მზგავს და კონკურენტ ხესაჭყოებს.

შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“- ის სასტიპენდიო პროგრამის 2019 წლის საგრანტო კონკურსის ფარგლებში გაიმარჯვა ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ეთნოლოგიისა და სოციოლოგიური კვლევის განყოფილების უფროსმა მეცნიერ თანამშრომელმა ისტორიის დოქტორმა რუსლან ბარამიძემ, კვლევეითი პროექტით “იდენტობა, ადგილი და ძალაუფლება: ურბანული კონფლიქტის იდეოლოგიური განზომილება”.
სასტიპენდიო პროგრამის ფარგლებში ის 2019 წლის ივნის-ნოემბრის თვეებში კვლევას განახორციელებს მარბურგის ფილიპს უნივერსიტეტში (გერმანიის ფედერაციული რესპუბლიკა).

ასაკობრივი ფსიქოლოგია შეისწავლის ადამიანის ფსიქიკის განვითარებას და ცვალებადობას
პიროვნება არის ადამიანი, ინდივიდი თავისი ღირებულებებით, იდეებით, მოსაზრებებით და მისწრაფებებით. ეს ყველაფერი პიროვნების ხასიათს, ქცევას განაპირობებს და განსაზღვრავს მის ადგილს საზოგადოებაში. აკაკი წერეთლის სიტყვები “მაგრამ მარტო წრთვნა რას იზამს, თუ ბუნებამც არ უშველა” იმ მოძველებულ კონცეფციას ეხმაურება, როცა გენეტიკა და სოციალური წარმოშობა წინასწარ განაპირობებდა ადამიანის ადგილს საზოგადოებაში, მის ღირებულებებს და მოსაზრებებს. პიროვნების ჩამოყალიბებაში გადამწყვეტი როლი მის უშუალო სოციალურ გარემოცვას - ოჯახს, აღმზრდელებს აკისრია, თუმცა, მათთან ერთად, ინდივიდის ღირებულებების განსაზღვრას ის სოციუმიც განაპირობებს, სადაც იგი ვითარდება - სკოლა, სასწავლებელი, საზოგადოება.

ნავთობის ამოღების, ტრანსპორტირების და შენახვის დროს დიდი რაოდენობით გროვდება ნავთობური ნარჩენები, ე.წ. ნავთობშლამები. მათი შემადგენლობა საკმაოდ მრავალფეროვანია და შეიცავენ ისეთ ორგანულ ნივთიერებებს, რომლებსაც გააჩნიათ კოროზიის საწინააღმდეგო თვისებები. გარდა ამისა ნავთობშლამები მკვეთრად აუარესებენ გარემოს ეკოლოგიურ მდგომარეობას. აქედან გამომდინარე ნავთობშლამების გამოკვლევა ანტიკოროზიულ საღებავების წარმოებაში მათი გამოყენების მიზნით ერთის მხრივ, საშუალებას მოგვცემს გავაფართოვოთ ლაქ-საღებავების წარმოების ბაზა და მეორე მხრივ, მნიშვნელოვნად გავაუმჯობესოთ გარემოს ეკოლოგიური მდგომარეობა.
ამ მიზნით შესწავლილი იქნა ბათუმის ნავთობტერმინალზე დამჭერ მოწყობილობაში არსებული რეზერვუარული ნავთობშლამის ორგანული ექსტრაქტი. დადგენილი იქნა მისი ინჰიბიტორული თვისებები როგორც დაჩქარებული ანტიკოროზიული გამოცდებით, ასევე წყლოვანი ნაჟურის შემცველი ლაქ-საღებოვანი დანაფარების ატმოსფერული გამოცდით ბუნებრივ პირობებში. მიღებული შედეგები ადასტურებენ ნავთობშლამის ორგანული ექსტრაქტის ინიჰიბიტორულ თვისებებს და მისი გამოყენების შესაძლებლობას ანტიკოროზიული დანიშნულების სარებავებში.