ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტს DAAD-ის თბილისის რეგიონული წარმომადგენლობა ეწვია. ჰუმანიტარულ მეცნიერებათა ფაკულტეტის დეკანმა, ასოც პროფესორმა თეონა ბერიძემ უმასპინძლა DAAD-ის თბილისის რეგიონული ოფისის ხელმძღვანელს, სილვია შმდისა და DAAD-ის ლექტორს, გიგი ჭინჭარაულს. სამუშაო შეხვედრას ესწრებოდნენ გერმანული ფილოლოგიის საგანმანათლებლო პროგრამის განმახორციელებელი აკადემიური პირები - ასოც. პროფესორი ნელი ახვლედიანი, ასისტ. პროფესორები ნონა მეტრეველი და მაია დუმბაძე ესწრებოდნენ.

11-15 მაისს, ბსუ-ს ჰუმანიტარულ მეცნიერებათა ფაკულტეტის ასოცირებული პროფესორები ივდით დიასამიძე და ლალი თავაძე „ერაზმუს+“-ის აკადემიური მობილობის ფარგლებში იმყოფებოდნენ ნეოფიტ რილსკის უნივერსიტეტში, ბულგარეთში. ვიზიტის ფარგლებში, პროგრამის მონაწილეებმა ლექციები ჩაატარეს ინგლისური ფილოლოგიის სტუდენტებთან. მათ ასევე მონაწილეობა მიიღეს უნივერსიტეტის 50 წლის იუბილესადმი მიძღვნილ საზეიმო ღონისძიებებში.