საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის სპეციალობის მეორე კურსის 37-მა სტუდენტმა ბოტანიკისა და ზოოლოგიის სასწავლო საველე პრაქტიკის ფარგლებში საველე ექსპედიციაში მიიღო მონაწილეობა, ახალგაზრდები ერთი კვირის განმავლობაში გოდერძის უღელტეხილის, ვარძიის, ბორჯომ-ხარაგაულის ეროვნული პარკის, აბასთუმნის, ბეშუმის ფლორასა და ფაუნას ეცნობოდნენ. სტუდენტებმა ბუნებრივ პირობებში შეისწავლეს მცენარეთა და ცხოველთა ტაქსონომიური მრავალფეროვნება, გავრცელების კანონზომიერებები. ექსპედიციის მონაწილეებს ჩამოუყალიბდათ საველე ხელსაწყოების გამოყენების, მცენარეთა და ცხოველთა იდენტიფიცირების უნარ-ჩვევები, დაეუფლნენ ჰერბარიუმის მომზადებისა და ეთიკეტირების მეთოდებს.

ბათუმის შოთა რუსთაველის სახელმწიფო უნივერსიტეტში ბათუმის მე-6 საერთაშორისო სკოლა-სემინარი გაიხსნა ბიომედიცინის აქტუალურ თემებზე. ქართველი და უცხოელი პროფესორები 3 დღის განმავლობაში ჩაატარებენ ლექციებს, მასტერ-კლასებსა და ლაბორატორიულ მეცადინეობებს დარგის მნიშვნელოვან საკითხებზე. საქართველოს უმაღლესი სასწავლებლების ბიოლოგიური და სამედიცინო პროფილის სტუდენტები, დოქტორანტები და რეზიდენტები გაეცნობიან დაბერების პროცესისა და სხვადასხვა დაავადების ბიოლოგიური მექანიზმების კვლევაში არსებულ თანამედროვე სამეცნიერო მიღწევებს, ბიოსუფრთხოების, ბიოეთიკური პრინციპებისა და ნორმების დაცვის მნიშვნელობას ბიოსამედიცინო საქმიანობაში.

ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტზე საჯარო დისკუსია გაიმართა თემაზე: „რატომ არის საჭირო ნარკოპოლიტიკის რეფორმა საქართველოში“. ნარკოპოლიტიკის ეროვნულმა პლატფორმამ ნარკოპოლიტიკის რეფორმის გეგმა შეიმუშავა, რომელიც სტუდენტებსა და პროფესორ-მასწავლებლებს გააცნეს.

დღეს, ბათუმის შოთა რუსთაველის სახელმწიფო უნივერსიტეტში შვეიცარიელმა ნეირორეაბიტოლოგმა, პროფესორმა ბარბარა ჟანიმ საჯარო ლექცია გამართა თემაზე „ აჭარის რეგიონში ნეირორეაბილიტაციის სერვისების განვითარების ხელშეწყობა’’. პროფესორმა ნეიოროლოგიურ დაავადებათა გამომწვევ მიზეზებზე, სტატისტიკასა და შეზღუდული შესაძლებლობების მქონე პირთა რეაბილიტაციის სერვისების განვითარებაზე გააკეთა აქცენტი. ბარბარა ჟანიმ სტუდენტებსა და პროფესორ-მასწავლებლებს საკუთარი პრაქტიკული გამოცდილება გაუზიარა და მსოფლიოში აპრობირებული მეთოდები და თანამედროვე კვლევების შედეგები გააცნო.

29 მაისიდან 05 ივნისის ჩათვლით საბუნებისმეტყველო მეცნიერებათა და ჯანდაცვის ფაკულტეტზე ჩატარდა სტუდენტთა სამეცნიერო კონფერენცია. კონფერენციის პერიოდში ფაკულტეტზე მუშაობდა - ბიოლოგიის, ეკოლოგიის, გეოგრაფიის, ქიმიის და მედიცინის სექციები. სხვადასხვა მიმართულების მიხედვით წარმოდგენილი იყო აქტუალური თემები.