ბსუ-ს ტექნოლოგიური ფაკულტეტის არქიტექტურის საგანმანათლებლო პროგრამაზე ჩარიცხვის მსურველებმა ერთიან ეროვნულ გამოცდებამდე უნდა გაიარონ შემოქმედებითი ტური ხაზვაში. აბიტურიენტმა შემოქმედებით ტურზე უნდა ააგოს სამგანზომილებიანი ხედი (იზომეტრია) მოცემული დეტალის ორი ხედის მიხედვით.

ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტზე, უნივერსიტეტის საპატიო დოქტორის, პროფესორ რევაზ სტურუას აუდიტორია გაიხსნა და არქიტექტურისა და მშენებლობის სტუდენტთა საკურსო ნამუშევრების გამოფენა გაიმართა. ღონისძიებაზე წარმოდგენილი იყო სტუდენტების მიერ შექმნილი შენობების მაკეტები, პლანშეტები და არქიტექტურული კომპოზიციები.

27 ივნისს, პარასკევს, 14:00 საათზე ბსუ-ს ტექნოლოგიურ ფაკულტეტზე გაიმართება ბსუ-ს საპატიო დოქტორის, პროფესორ რევაზ სტურუას აუდიტორიის (N 302) გახსნა და არქიტექტურისა და მშენებლობის სტუდენტთა საკურსო ნამუშევრების გამოფენა. ღონისძიებაზე წარმოდგენილი იქნება შენობების მაკეტები, სტუდენტების მიერ შექმნილი პლანშეტები და არქიტექტურული კომპოზიციები. ღონისძიება ეძღვნება ბსუ-ს 90 წლის იუბილეს.

ბსუ-ს არქიტექტურის საგანმანათლებლო პროგრამაზე ჩარიცხვის მსურველ აბიტურიენტთათვის 2025 წლის 17, 18 და 19 ივნისს ჩატარდა შემოქმედებითი ტური ხაზვაში.

თანდართულ ფაილში იხილეთ იმ აბიტურიენტთა სია, რომლებმაც წარმატებით გაიარეს აღნიშნული ტური.

ტექნოლოგიურ ფაკულტეტზე გაიმართა პორტუგალიის მინიოს უნივერსიტეტის ალგორითმული კვლევითი ცენტრის (LASI) დოქტორანტის, ელაიზა დელ ორსოლეტას სადისერტაციო ნაშრომის ფარგლებში ჩატარებული მიმდინარე ანგარიშის პრეზენტაცია.