24-29 აგვისტოს ავსტრიის დედაქალაქ ვენაში ბიზანტინოლოგთა საერთაშორისო ასოციაციის 25-ე კონგრესი გაიმართა, დევიზით: Byzantium Beyond Byzantium (ბიზანტია ბიზანტიის მიღმა). ბიზანტინოლოგთა საერთაშორისო ასოციაციის პირველი კონგრესი 1924 წელს გაიმართა და მას შემდეგ, ყოველ 4-5 წელიწადში ერთხელ იმართება რომელიმე ევროპული ქვეყნის დედაქალაქში.
ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტისა და აშშ-ს სიეტლის უნივერსიტეტის ერთობლივი პროექტის ფარგლებში ხელვაჩაურის მუნიციპალიტეტში მდებარე ჩხუტუნეთის ციხის ტერიტორიაზე საერთაშორისო არქეოლოგიური ექსპედიცია მიმდინარეობს. პროექტში ჩართულნი არიან საქართველოს, აშშ-ს, კანადის, მექსიკისა და დიდი ბრიტანეთის წარმომადგენლები.
5-12 ივლისს, ბათუმის შოთა რუსთაველის სახელმწიფო უნივერსიტეტის, ნიკო ბერძენიშვილის ინსტიტუტის მკვლევრები ექსპედიციაში იმყოფებოდნენ თურქეთში, ისტორიული ტაოს მხარეში.
ბსუ-ში საერთაშორისო სამეცნიერო კონფერენციის „ჩვენი სულიერების ბალავარი - XV“ ფარგლებში, თურქეთის რესპუბლიკის ქალაქ ბორჩხაში მოქმედი ანსამბლის საღამო გაიმართა. ეთნიკური ქართველების მიერ შექმნილი ანსამბლი ბორჩხის მერიის ბაზაზე უკვე 6 წელია მოქმედებს და ასრულებს როგორც ძველ ქართულ, ისე ლაზურ სიმღერებს. კონფერენციის ფარგლებში ასევე გაიმართა სოფელ ჭვანას ხეობის ფოლკლორული ანსამბლის კონცერტი, რომელმაც ნიკო ბერძენიშვილის ინსტიტუტის არქივში დაცული სიმღერები შეასრულა.
ბსუ-ში ყოვლადწმიდა ღვთისმშობლის წილხვდომილობისა და წმიდა ანდრია პირველწოდებულის საქართველოში შემოსვლის ეროვნულ დღესასწაულთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის, საქართველოს საპატრიარქოს წმიდა ტბელ აბუსერისძის სახელობის სასწავლო უნივერსიტეტის, ქალაქ ბათუმის მერიის კულტურის ცენტრისა და კონსტანცას ოვიდიუსის უნივერსიტეტის ორგანიზებით საერთაშორისო სამეცნიერო კონფერენცია - „ჩვენი სულიერების ბალავარი“ – XV გაიხსნა.
