ნიკო ბერძენიშვილის ინსტიტუტმა იაპონელ ქართველოლოგსა და ტოკიოს მეტროპოლიტენის უნივერსიტეტის პროფესორს, ჰიროტაკე მაედას უმასპინძლა. პროფესორმა ინსტიტუტში დაცული უნიკალური ფონდები და ბიბლიოთეკა დაათვალიერა, ასევე, გაეცნო უახლეს გამოცემებსაც. შეხვედრის ფარგლებში ჰიროტაკე მაედასა და ინსტიტუტის მეცნიერ-თანამშრომლებს შორის გამოიკვეთა საერთო კვლევითი ინტერესები და სამომავლო თანამშრომლობის პერსპექტივები.

ნიკო ბერძენიშვილის ინსტიტუტის დირექტორი, მთავარი მეცნიერი თანამშრომელი, როინ მალაყმაძე, უფროსი მეცნიერი თანამშრომელი ტარიელ ებრალიძე და მეცნიერი თანამშრომელი მერაბ მეგრელიშვილი, „მარადიდის საზოგადოების ინიციატივით“, დაზვერვითი ხასიათის ექსპედიციაში იმყოფებოდნენ სოფელ მარადიდში.

მიმდინარე წლის 7-9 ოქტომბერს, რუმინეთის ქალაქ რუმნიკუ ვულჩაში, კონსტანცას ოვიდიუსის უნივერსიტეტისა და ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის თანაორგანიზებით, გაიმართა საერთაშორისო სამეცნიერო კონფერენცია „ახალი კვლევები წმინდა ანთიმოზ ივერიელის სიცოცხლესა და მოღვაწეობასთან დაკავშირებით”. ღონისძიებაზე წარმოდგენილი იყო მოხსენებები თეოლოგიის, ისტორიის, ფილოლოგიისა და კულტუროლოგიის მიმართულებებით.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერი თანამშრომელი, ნარგიზ ახვლედიანი, სამეცნიერო მივლინებით იმყოფებოდა სევილიაში (ესპანეთი) „განათლების, კვლევისა და ინოვაციების“ მე-18 ყოველწლიურ საერთაშორისო სამეცნიერო კონფერენციაზე, რომელიც მოიცავდა საუბრებს, პოსტერებსა და ზეპირ მოხსენებებს.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარი მეცნიერი თანამშრომელი ნარგიზ ახვლედიანი (თანაავტორები: ივანე ჯავახიშვილის სახელობის თბილისის სახელმწიფო უნივერსიტეტის ენების შემსწავლელი ცენტრის მასწავლებელი, ფილოლოგიის დოქტორი, ლელა ჩოთალიშვილი და ბათუმის შოთა რუსთაველის სახელმწიფო უნივერსიტეტის ზუსტი მეცნიერებებისა და განათლების ფაკულტეტის ასოცირებული პროფესორი, დიანა ახვლედიანი) სამეცნიერო მივლინებით იმყოფებოდა პარიზში ოთხდღიან საერთაშორისო სამიტზე „სამხრეთ კავკასიური ცარცის წრე - 4“, რომელიც მოიცავდა საუბრებს, პოსტერულ და ზეპირ მოხსენებებს. სამიტი აერთიანებდა ლინგვისტებს, რომლებიც სამეცნიერო საქმიანობის სხვადასხვა ეტაპზე იკვლევენ სამხრეთ კავკასიურ ენებს.