5-12 ივლისს, ბათუმის შოთა რუსთაველის სახელმწიფო უნივერსიტეტის, ნიკო ბერძენიშვილის ინსტიტუტის მკვლევრები ექსპედიციაში იმყოფებოდნენ თურქეთში, ისტორიული ტაოს მხარეში.

ბსუ-ში საერთაშორისო სამეცნიერო კონფერენციის „ჩვენი სულიერების ბალავარი - XV“ ფარგლებში, თურქეთის რესპუბლიკის ქალაქ ბორჩხაში მოქმედი ანსამბლის საღამო გაიმართა. ეთნიკური ქართველების მიერ შექმნილი ანსამბლი ბორჩხის მერიის ბაზაზე უკვე 6 წელია მოქმედებს და ასრულებს როგორც ძველ ქართულ, ისე ლაზურ სიმღერებს. კონფერენციის ფარგლებში ასევე გაიმართა სოფელ ჭვანას ხეობის ფოლკლორული ანსამბლის კონცერტი, რომელმაც ნიკო ბერძენიშვილის ინსტიტუტის არქივში დაცული სიმღერები შეასრულა.

ბსუ-ში ყოვლადწმიდა ღვთისმშობლის წილხვდომილობისა და წმიდა ანდრია პირველწოდებულის საქართველოში შემოსვლის ეროვნულ დღესასწაულთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის, საქართველოს საპატრიარქოს წმიდა ტბელ აბუსერისძის სახელობის სასწავლო უნივერსიტეტის, ქალაქ ბათუმის მერიის კულტურის ცენტრისა და კონსტანცას ოვიდიუსის უნივერსიტეტის ორგანიზებით საერთაშორისო სამეცნიერო კონფერენცია - „ჩვენი სულიერების ბალავარი“ – XV გაიხსნა.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის მკვლევრებმა სტამბოლის ქართულ სავანეში მსოფლიო ლიტერატურის უძველესი ძეგლის „გილგამეშიანის" („გილგამეშის ეპოსი") უნიკალური ქართული ხელნაწერი აღმოაჩინეს.

თბილისის სახელმწიფო უნივერსიტეტში ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის დირექტორის, ისტორიის დოქტორის, პროფესორ როინ მალაყმაძის საჯარო ლექცია გაიმართა. ლექციის თემა „სტამბოლის ქართული სავანე - ეროვნული სულის თავშესაფარი უცხოეთში“ იყო. მომხსენებლმა ასევე ისაუბრა ნიკო ბერძენიშვილის ინსტიტუტის მკვლევართა მიერ სტამბოლის ქართულ სავანეში წარმართული მრავალწლიანი საქმიანობის შედეგებზეც.