ბათუმის სახელმწიფო უნივერსიტეტის ეკონომიკისა და მათემატიკის საბაკალავრო პროგრამის სტუდენტებმა: ნინო წიქარიძემ, ნათია ჩხეიძემ და ლუკა ცინცაძემ მონაწილეობა მიიღეს TBSC Consulting-ის მიერ ორგანიზებულ „მეშვიდე ბიზნეს ქეისების” კონკურსში, რომელიც გაიმართა 23–24 მაისს, ქუთაისის საერთაშორისო უნივერსიტეტში. ღონისძიების ფარგლებში მათ შესაძლებლობა ჰქონდათ ემუშავათ რეალურ ბიზნეს გამოწვევებზე და განევითარებინათ მათი გადაჭრის პრაქტიკული უნარები. კონკურსში მონაწილეობდა სხვადასხვა უნივერსიტეტის 22 გუნდი, აქედან კი ბსუ-ს გუნდი საუკეთესო 10 გუნდს შორის მოხვდა.

ბათუმის შოთა რუსთაველის სახელმწიფო უნივერსიტეტის მესამე მისიით გათვალისწინებული აქტივობების ფარგლებში, ეკონომიკისა და ბიზნესის ფაკულტეტის ეკონომიკის დარგობრივმა დეპარტამენტმა 6 მაისს უმასპინძლა ბათუმის N1 საჯარო სკოლის და ბათუმის წმ. ანდრია პირველწოდებულის სახელობის სკოლის X - XI კლასის მოსწავლეებს.

ბსუ-ს ეკონომიკისა და ბიზნესის ფაკულტეტის ასისტენტ-პროფესორი იამზე სურმანიძე 11-15 მაისს „ერაზმუს+“-ის გაცვლითი პროგრამის ფარგლებში, აკადემიური მობილობით იმყოფებოდა რუსეს ანგელ კანჩევის უნივერსიტეტში (ბულგარეთი).

ბათუმის შოთა რუსთაველის სახელმწიფო უნივერსიტეტსა და მერიტო უნივერსიტეტს (WSB MERITO UNIVERSITY) შორის დადებული თანამშრომლობის მემორანდუმის ფარგლებში, აჭარის ა.რ. განათლებისა და სპორტის სამინისტროს და ბსუ-ს ფინანსური მხარდაჭერით, პოზნანის მერიტო უნივერსიტეტის ბიზნესის კვირეულში (BIP-2026) მონაწილეობა მიიღო ბსუ-ს ეკონომიკისა და ბიზნესის ფაკულტეტის ხუთმა სტუდენტმა - ნატალი შოთაძემ, სალომე ფუტკარაძემ, ნინა ცინარიძემ, ლანა ქარცივაძემ და თამარ ვარშანიძემ. ჯგუფის კოორდინატორი გახლდათ ასისტენტ პროფესორი თამილა თურმანიძე.

მესამე მისიის ფარგლებში, ეკონომიკისა და ბიზნესის ფაკულტეტის ორგანიზებით, გაიმართა სტუდენტთა და მოსწავლეთა ერთობლივი კონფერენცია თემაზე: „ქართული ბიზნესი - გამოწვევები და პერსპექტივები”. კონფერენციაში აქტიურად მონაწილეობდნენ ფაკულტეტის პირველკურსელები (ხელმძღვანელი ასოცირებული პროფესორი ლეილა ცეცხლაძე) და ბათუმის წმ. ანდრია პირველწოდებულის სახელობის სკოლის X კლასის მოსწავლეები, რომლებიც სასწავლო გეგმის ფარგლებში სწავლობენ მეწარმეობას (ხელმძღვანელი ასოცირებული პროფესორი ირინა თავაძე).