2023 წლის 15 ივნისს 11.00 საათზე, ზუსტ მეცნიერებათა და განათლების ფაკულტეტის ასისტენტ პროფესორები ნინო სამნიძე და მედეა დიასამიძე წარმოადგენენ სამეცნიერო სემინარს თემაზე: „სტუდენტთა ჩართულობის განმსაზღვრელი მნიშვნელოვანი ფაქტორები ონლაინ სწავლებისას“.
13 ივნისი 2023 წელი
სტუდენტთა ეფექტური ჩართულობა სწავლებისა და სწავლის პროცესის ყველაზე მნიშვნელოვანი კომპონენტია. მასწავლებლები მუდმივად ცდილობენ მოსწავლეთა ჩართულობის გაზრდას და მათ ხარისხიან მონაწილეობას სასწავლო პროცესში სწავლების მრავალფეროვანი მეთოდებისა და სტრატეგიების დახმარებით. ნაშრომის მიზანია გაარკვიოს სწავლებაში მოსწავლეთა ჩართულობის გაძლიერების გზები. ასევე გამახვილებულია ყურადღება სწავლების იმ ეფექტურ სტრატეგიებზე, რომლებიც წარმატებით იქნა ჩვენ მიერ აპრობირებული და გამოყენებული ონლაინ სწავლებაში. კვლევის მეთოდები: დაკვირვება, კითხვარი გამოყენებულ იქნა სტუდენტების დამოკიდებულების, მოლოდინებისა და ჩართულობის გასარკვევად ონლაინ სწავლებაში უმაღლეს საგანმანათლებლო დაწესებულებაში.
