21-ე საუკუნის დასაწყისის ახალგაზრდა თაობას საკმაოდ სწრაფი ცვლილებების გარემოცვაში უწევს ცხოვრება. ჩვენი სამყარო მუდმივად ვითარდება, ინერგება ახალი ტექნოლოგიები და კაცობრიობა სულ უფრო სწრაფი ნაბიჯებით მიიწევს წინ. ცხოვრების ასეთი რიტმით გამოწვეული სტრესი ართულებს ადამიანებს შორის კეთილგანწყობილ ურთიერთობებს და საზოგადოებრივი პრობლემების მატებასაც უწყობს ხელს. ასეთ გარემოში მოთმინებასა და ტოლერანტობასთან ერთად, მიგვაჩნია, რომ მეტი ცოდნა და უნარ-ჩვევებია საჭირო, რათა ეფექტურად გავუმკლავდეთ ჩვენს ირგვლივ არსებულ პრობლემებსა და კონფლიქტურ სიტუაციებს.

დასავლეთ საქართველოს სუბტროპიკულ ზონაში, ბოლო წლებში განსაკუთრებული ყურადღება ექცევა ერთ-ერთ პერსპექტიულ სასოფლო-სამეურნეო კულტურა სტევიას (Stevia Rebaudiana Bertoni), რომელიც მოიხსენიება შემდეგი სინონიმებით: „თაფლოვანი ბალახი“, „ორფოთოლა ტკბილი“, „კაა-ჰეე“ და სხვა. იგი ჩვენში ინტროდუცირდა მე-20 საუკუნის 80-იან წლებში და დღეისათვის ფართოდაა ცნობილი მოსახლეობაში. მისი სწრაფი გავრცელება განაპირობა მიწისზედა ნაწილებში, ძირითადად ახალგაზრდა ფოთლებსა და ყლორტებში შაქრის შემცველი, ინტენსიურად ტკბილი გემოს მქონე დიტერპენული ნაერთების: სტევიოზიდსა და რებაუდიოზიდის შემცველობამ. სტევია საუკეთესო დიეტურ-პროფილაქტიკური და სამკურნალწამლო საშუალებაა შაქრიანი დიაბეტით, გულსისხლძარღვთა დაავადებების და სიმსუქნისადმი მიდრეკილების დროს. სტევიას მცირე დოზების მიღებისას შეინიშნება არტერიული წნევის შემცირების მცირედ გამოხატული ეფექტიც.

სემინარზე განხილული იქნება თანამედროვე საზოგადოების დიგიტალიზაციის ტენდენციები და ციფრული ტექნოლოგიების არსებული მიღწევები საზოგადებრივ ცხოვრებაში ფართო გამოყენების თვალსაზრისით. კერძოდ ფართოდ იქნება მიმოხილული ესტონეთის მაგალითი როგორც ქვეყნის, რომელსაც ციფრული ტექნოლოგიების დანერგვისა და გამოყენების თვალსაზრისით საზოგადოებრივ ცხივრებაში ლიდერის პოზიცია უჭირავს. განხილული იქნება საქართველოს მიღწევები და საქართველოში უკვე დანერგილი ციფრული რესურსები, მაგალითად ელექტრონული პირადობის მოწმობები („აიდი“ ბარათები) და მათი გამოყენების დამატებითი საშუალებები, ციფრული ტექნოლოგიები ჯანდაცვასა და მედიცინაში, ელექტრონული სამედიცინო რეცეპტები, ელექტრონული სამედიცინო ბარათები და სხვა. განხილული იქნება საზოგადეებრივ ცხოვრებაში ციფრული ტექნოლოგიების უპირატესობები და უარყოფითი მხარეები.

როგორც ქათინაურის, ასევე მასზე პასუხის სამეტყველო აქტის თავისებურებები ხშირად ექცევა სხვადასხვა სფეროს ლინგვისტების სამეცნიერო კვლევის ინტერესთა სფეროში. შესაბამისად, დღესდღეობით არსებობს უხვი სამეცნიერო ლიტერატურა, რომელიც აღნიშნული საკითხის სოციოლინგვისტური, პრაგმატიკული, ფქსიქოლინგვისტური და კულტურული ასპექტების კვლევას ეძღვნება. თუმცა უნდა აღინიშნოს, რომ კვლევები, სოციალურ ქსელებში გამოყენებული ქათინაურის და მასზე პასუხის სამეტყველო აქტის განხორციელების ენობრივი თავისებურებების შესახებ საკმაოდ მწირია. რამაც ამ საკითხისადმი ჩემი ინტერესი გამოიწვია.

ბოლო ათწლეულების განმავლობაში ცივილიზებული სამყარო ძალზე სერიოზულად უდგება განათლების ყველა დონეზე სწავლების ხარისხს, განსაკუთრებული ყურადღება ამ მხრივ ეთმობა ფუძემდებლურ საფეხურს - სასკოლო განათლებას.
უდავოა, რომ ნებისმიერი რეფორმა, რომელიც საქართველოში განათლების სფეროში გატარდა, დასავლური გამოცდილების გაზიარებას წარმოადგენდა. თუმცა საკამათოა, რამდენად სწორად იქნა გაზიარებული დასავლური გამოცდილება, რომელი სახელმწიფოს განათლების სისტემა უნდა აგვეღო მაგალითად, რატომ არ ვსწავლობთ ევროპის ისეთი წამყვანი სახელმწიფოებისაგან, როგორიცაა მაგალითად ფინეთი და ნორვეგია, გერმანია და ინგლისი.