ვასილ ალექსანდრეს ძე სუხომლინსკი იყო XX საუკუნის დიდი უკრაინელი პედაგოგი, კიროვოგრადის ოლქის სოფელ პავლიშის საშუალო სკოლის ყოფილი დირექტორი, უკრაინის სკოლის დამსახურებული მასწავლებელი, პედაგოგიკის მეცნიერებათა კანდიდატი, სსრ კავშირის პედაგოგიკის მეცნიერებათა აკადემიის წევრ-კორესპონდენტი, სოციალისტური შრომის გმირი, უკრაინის სახელმწიფო პრემიის (მეცნიერების დარგში) ლაურეატი, მრავალი ორდენისა და მედლის კავალერი. მისი სახელი კარგად არის ცნობილი არა მარტო უკრაინაში, რომლის ღირსეული წარმომადგენელიც იგი იყო, არამედ მის ფარგლებს გარეთაც.

პრეზენტაცია შეიცავს ინფორმაციას მსოფლიოს რადიაციულ-ტექნოგენური კატასტროფების და ატომური ენერგეტიკის განვითარების, ატომურ ენერგეტიკასთან დაკავშირებული რისკების შეფასების თანამედროვე ტექნოლოგიებისა და კრიტერიუმების შესახებ. პრეზენტაციაში მნიშვნელოვანი ადგილი აქვს დათმობილი რადიაციის გარემოზე ზემოქმედების უარყოფითი შედეგების ანალიზს.

არალოკალური სასაზღვრო ამოცანები წარმოადგენენ კლასიკური ამოცანების ერთობ საინტერესო განზოგადოებას და ამავდროულად ისინი ბუნებრივი სახით მიიღებიან რეალური პროცესებისა და მოვლენების მათემატიკური მოდელების აგებისას ფიზიკაში, ინჟინერიაში, ეკოლოგიაში, სოციოლოგიაში და სხვა დარგებში. პრაქტიკულად საჭირო მრავალი ამოცანის ამოხსნა, რომლებიც დაკავშირებულია ლაზერის გამოსხივების პროცესებისა და ტურბოლენტურ პლაზმაში დიფუზიური პროცესების მოდელირებასთან, მიდის არალოკალურ სასაზღვრო პირობებთან.

დღეისათვის, როდესაც სასწავლო პროცესმა ტრადიციული აუდიტორიიდან ვირტუალურ საგანამათლებლო სივრცეში გადაინაცვლა; როდესაც ციფრულმა სამყარომ სრულიად შეცვალა ინფორმაციისადმი ხელწვდომობა და ინფორმაციის მართვა; როდესაც სწავლება ციფრულ სამყაროში მეტად კოლაბორაციულია; როდესაც მოსწავლე არა მხოლოდ პასიური, ინფორმაციის მიმღებია არამედ სწავლის პროცესში ასრულებს ძალზედ აქტიურ როლს, ავტორის, კრეატორის, შემფასებლის და კრიტიკული კომენტატორის; როდესაც სწავლის პროცესი ხდება ინფორმაცილ ტექნოლოგიებზე დამოკიდებული; ვფიქრობთ, აქტუალურია სასწავლო პროცესში ინტენსიურად მოხდეს ვირტუალური ტექნოლოგიების, სწავლების ვირტუალური გარემოს ინტეგრაცია.

ლიტერატურაში მხატვრული პერსონაჟის შექმნა, სინამდვილის მხატვრული ასახვა განპირობებულია ამ სინამდვილისადმი ლიტერატურული ნაწარმოების ავტორის დამოკიდებულებით. ავტორის პიროვნება ყოველთვის აღბეჭდილია ნაწარმოებში. ამიტომ, რაც უფრო ღრმა განცდების პრიზმაში ატარებს მწერალი ასახულ სინამდვილეს, მით უფრო ფასეული და მიმზიდველია მისი ნამუშევარი. მხატვრული შემოქმედების ერთ-ერთ უმნიშვნელოვანეს ნიშანს, მისი სრულყოფის მაჩვენებელს, ხასიათის ტიპების მთელი სისრულით წარმოჩენა, მათი ურთიერთმიმართების მაღალ მხატვრული ფორმით ასახვა წარმოადგენს.