1-7 ოქტომბერს ბათუმის შოთა რუსთაველის სახელმწიფო უნივერსიტეტში შოთა რუსთაველის ეროვნული სამეცნიცნიერო ფონდის პროგრამის „მობილობისა და საერთაშორისო სამეცნიერო ღონისძიებისათვის“ ფარგლებში ჩატარდა „საერთაშორისო სკოლა და კონფერენცია ფუნქციურ მასალებსა და თანამედროვე ტექნოლოგიებში“ (MG-ISE-22-330). კონდენსირებული გარემოს ფიზიკისა და მასალათმცოდნეობის დარგის წამყვანმა მეცნიერებმა წარმოადგინეს უახლესი სამეცნიერო და ტექნოლოგიური მიღწევები, ინოვაციები, ფუნდამენტური ასპექტები და გამოყენების პერსპექტივები. კონფერენციის მონაწილეებმა ასევე განიხილეს თეორიული და ექსპერიმენტული კვლევის თანამედროვე მეთოდები; ახალგაზრდა მეცნიერებსა და სტუდენტებს გაუზიარეს კარიერის განვითარების შესაძლებლობები და პერსპექტივები.

გაეროს ბავშვთა ფონდის (UNICEF) მხარდაჭერით ბათუმის შოთა რუსთაველის სახელმწიფო უნივერსიტეტი ახორცილებს პროექტს „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“. პროექტის ფარგლებში უნივერსიტეტის ინკლუზიური განათლების, წიგნიერებისა და რაოდენობრივი წიგნიერების მიმართულების სამმა აკადემიურმა პირმა (პროფესორი ლელა თავდგირიძე, ასოცირებული პროფესორი ქეთევან შოთაძე და პროფესორი ლელა თურმანიძე) გაიარა ტრენინგები მოდულებში: სწავლების უნივერსალურ დიზაინი, ინდივიდუალური სასწავლო გეგმების შედგენა, დაწევისა და დაჩქარებული სწავლების კურიკულუმი (ადაპტირებული კურიკულუმი), კურიკულუმის დანერგვის სტრატეგიები, უსაფრთხო სასკოლო გარემო, პოზიტიური მშობლობა და CK12 . შემდგომ ეტაპზე იგეგმება ბსუ-ს აკადემიური პირების მიერ აჭარის რეგიონის მასწავლებლებისთვის შესაბამისი ტრენინგების ჩატარება.

გაეროს ბავშვთა ფონდის (UNICEF) მხარდაჭერით მიმდინარე პროექტის „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“ ფარგლებში, ბსუ-ს პროფესორ-მასწავლებლებმა ხელვაჩაურის მუნიციპალიტეტისა და ქალაქ ბათუმის ბაღების 76 აღმზრდელ-პედაგოგს, სპეციალურ მასწავლებელსა და მენეჯერს აგვისტო-სექტემბერში 60-საათიანი ტრენინგ კურსი ჩაუტარეს. სკოლამდელი დაწესებულებების პერსონალს სკოლამდელი ინკლუზიური განათლების საკითხები ზუსტ მეცნიერებათა და განათლების ფაკულტეტის ასოცირებულმა პროფესორებმა: ნატო შეროზიამ, მარინე გურგენიძემ და ნანა მამულაძემ მასწავლებლის პროფესიული განვითარების ეროვნული ცენტრის ტრენერ თამარ საღინაძის მენტორობით გააცნეს.

ევროკავშირის ეგიდით გამოცხადდა კონკურსი ახალგაზრდა მეცნიერებისათვის, რომელიც მიზნად ისახავდა საინტერესო და კრეატიული იდეის ავტორი მოსწავლის ან მოსწავლეთა ჯგუფის გამოვლენა სხვადასხვა სამეცნიერო მიმართულებიდან. სკოლისა და უნივერსიტეტის თანამშრომლობის ფარგლებში ბსუ-ს ფიზიკის დეპარტამენტის პროფესორ-მასწავლებლებმა ფიზიკის მიმართულებით კრეატიული მოსწავლეების შეარჩიეს და მოამზადეს. ბათუმის N5 საჯარო სკოლის მე-12 კლასის მოსწავლე კონსტანტინე კეშელავამ კონკურსზე წარადგინა პროექტი „წვიმის ენერგიის გამოყენება“, ხოლო და N6 ფიზიკა-მათემატიკური სკოლის მე-8 კლასის მოსწავლე გიორგი გობაძემ პროექტი - „მწოლიარე პოლიციელი“. ორივე ნაშრომმა გამარჯვება მოიპოვა და მეორე საპრიზო ადგილი დაიკავა. საკონკურსო კომისიის თავჯდომარემ, პროფესორმა პაატა კერვალიშვილმა 19 სექტემბერს, ბათუმის შოთა რუსთაველის სახელმწიფო უნივერსიტეტში გამარჯვებულებს დიპლომები გადასცა.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის განათლების ადმინისტრირების სამაგისტრო საგანმანათლებლო პროგრამამ მოიპოვა აკდედიტაცია. ვულოცავთ სტუდენტებსა და პროფესორ-მასწავლებლებს ამ მნიშვნელოვან წარმატებას!