ტურიზმის ფაკულტეტი

„Erasmus+“ის საგრანტო განაცხადზე წარსადგენ ახალ პროექტზე სამუშაო შეხვედრა ბიშკეკში გაიმართა

სურათი

ერთობლივი პროექტის „მდგრადი ტურიზმი: სოფლად მეწარმეობა და კულტურული მემკვიდრეობა. ყირგიზეთს, საქართველოსა და ნორვეგიას შორის განათლების სფეროში თანამშრომლობა“ წარმატებით დასრულების შემდეგ, 23-27 ოქტომბერს, ახალი პროექტის მომზადების მიზნით პარტნიორებს შორის სამუშაო შეხვედრები გაიმართა. ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის,  სამხრეთ-აღმოსავლეთ ნორვეგიის უნივერსიტეტის, ცენტრალური აზიის უნივერსიტეტის, ქუთაისის აკაკი წერეთლის სახელმწიფო უნივერსიტეტის, ბათუმის საზღვაო აკადემიის, ისიკ-კულის სახელმწიფო უნივერსიტეტის, ყირგიზეთის ეკონომიკური უნივერსიტეტის და ADAM-ის უნივერსიტეტის (ბიშკეკის საფინანსო-ეკონომიკური აკადემია) წარმომადგენლებმა შეხვედრის ფარგლებში უნივერსიტეტების ინტერესებიდან გამომდინარე „Erasmus+“ის საგრანტო განაცხადზე წარსადგენ ახალ პროექტზე ისაუბრეს.

ახალი პროექტი მიზნად ისახავს ერთობლივი საბაკალავრო და სამაგისტრო პროგრამების შემუშავებას, სტუდენტებისა და პროფესორ-მასწავლებლების მობილობას სწავლა-სწავლებისთვის, საზაფხულო სკოლების ორგანიზებას, სტუდენტების მობილობას საბაკალავრო და სამაგისტრო ნაშრომების შესრულების, საბიბლიოთეკო მატერიალური და არამატერიალური რესურზების გამოყენების შესაძლებლობას.

საგრანტო განაცხადის წარდგენა 2023 წლის თებერვლის თვეში განხორციელდება.

 


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა