თბილისის სახელწმიფო სამედიცინო უნივერსიტეტის პათო-ფიზიოლოგიის დეპარტამენტისა და სტუდენტური თვითმმართველობის ინიციატივით ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის სპეციალისტისა და დოკუმენტალისტის გივი ნახუცრიშვილის დოკუმენტური ფილმის - „საქართველოს ეროვნული გმირი - სელიმ ხიმშიაშვილი“ ჩვენება გაიმართა. ფილმში ასახულია ეროვნული გმირის სელიმ ხიმშიშვილის ცხოვრება და მოღვაწეობა დოკუმენტური წყაროებზე დაყრდნობით.
პროექტის "კონფლიქტების ინსტიტუტციონალურად ორიენტირებული შესწავლა" ფარგლებში შეხვედრა გაიმართა, რომელშიც ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებთან, მკვლევრებთან და სტუდენტებთან ერთად, ნალჩიკის სახელმწიფო უნივერსიტეტის კონფლიქტოლოგიის უმაღლესი სკოლის, მაიკოპის სახელმწიფო უნივერსიტეტის, მოსკოვის სახელმწიფო უნივერსიტეტის, ბერლინის თავისუფალი უნივერსიტეტის, მარბურგის უნივერსიტეტის კონფლიქტების კვლევის ცენტრის, ბილეფილდის კონფლიქტებისა და ძალადობის დისციპლინათაშორისი კვლევის ინსტიტუტის პროფესორები მონაწილეობდნენ.
გამოიცა ნიკო ბერძენიშვილის ინსტიტუტის სამეცნიერო შრომების XI ტომი. კრებულში მკითხველი გაეცნობა სამხრეთ–დასავლეთ საქართველოს ოსმალთა ბატონობისაგან განთავისუფ¬ლებისათვის მებრძოლ ხიმშიაშვილთა ღვაწლს და ამ საგვარეულოთა ოჯახებიდან გამოსული სახელოვანი ქართველი ქალების მოღვაწეობის ეპიზოდებს. მასში დახასიათებულია აჭარა–მაჭახლის სოციალურ–ეკონომიკური ვითარება პირველი მსოფლიო ომის დროის, ბათუმის ოლქის ქართული პოლიტიკური ემიგრაციისა და სამხედრო პოლიტიკური მდგომარეობის ეპიზოდები XX საუკუნის 20–იან და წინა წლებში. ასევ წარმოდგენილია აჭარისა და სამხრეთ–დასავლეთ საქართველოს ისტორიის, ეთნოლოგიის, ფოლკლორის, ლინგვისტიკის, განათლების და კულტურის საკითხები, სოციოლოგიური კვლევების სანდოობისა და სოციალური აზრის განვითარების ასპექტები.
საქართველოს მეცნიერებათა ეროვნული აკადემიის წევრ-კორესპონდენტის, ისტორიის მეცნიერებათა დოქტორის, მსოფლიოში აღიარებულ ეთნოლოგის, პროფესორ ვახტანგ შამილაძის 80 წლის იუბილესადმი მიძღვნილი საიუბილეო სხდომა ჩატარდა ბათუმის შოთა რუსთაველის სახელმწიფო უნივერსიტეტში. ღონისძიებაზე რექტორის მოვალეობის შემსრულებელმა მერაბ ხალვაშმა, პროფესორ-მასწავლებლებმა, საქართველოს მეცნიერებათა ეროვნული აკადემიის წევრებმა, მკვლევრებმა და საზოგადოების წარმომადგენლებმა კიდევ ერთხელ გაიხსენეს აკადემიკოსის სასწავლო-სამეცნიერო მიღწევები და საზოგადოებრივ-პოლიტიკური საქმიანობა.
„ბათუმობის“ სახალხო დღესასწაულს მიეძღვნა VI საერთაშორისო კონფერენცია „ბათუმი - წარსული და თანამედროვეობა“. სამეცნიერო სესიაზე მეცნიერები 60-მდე მოხსენებას წარმოადგენენ ზღვისპირა ქალაქის ისტორიაზე, თანამედროვეობაზე, ტურიზმისა და ურბანული განვითარების ტენდენციებზე. მკვლევარები ორი დღის განმავლობაში ისეთ მნიშვნელოვან საკითხებს განიხილავენ, როგორიცაა: „ბათუმის ეკოლოგიური პრობლემები და მისი გადაჭრის გზები“, „ოსმალთა მიერ ბათუმის ოკუპაცია და ქართველი მწერლები“, „ტურიზმის განვითარების სახელმწიფო პოლიტიკის ფორმირების თავისებურებანი“, „არქეოლოგიური გათხრები და აღმოჩენები ფიჭვნარის ნაქალაქარზე“, „ქართველ მუჰაჯირთა სოფლები თურქეთის შავიზღვისპირეთში“ და სხვ. საერთაშორისო კონფერენცია ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის კვლევითი ინსტიტუტის ორგანიზებითა და ქალაქ ბათუმის მერიის მხარდაჭერით ტარდება.
