ბათუმის შოთა რუსთაველის სახელმწიფო უნივერსიტეტში ერაზმუს+-ის აკადემიური და ადმინისტრაციული პერსონალის გაცვლითი პროგრამის ფარგლებში, საერთაშორისო კვირეული გაიხსნა. ღონისძიების მიზანია უმაღლესი საგანმანათლებლო დაწესებულების ინტერნაციონალიზაციის ხელშეწყობა. საერთაშორისო კვირეულის მონაწილეები ბსუ-ს რექტორს მერაბ ხალვაშს, აჭარის ა.რ. განათლების, კულტურისა და სპორტის მინისტრს ინგა შამილიშვილსა და პროფესორ-მასწავლებლებს შეხვდნენ. ღონისძიების დასასრულს, სტუმრები ბსუ-ს მატერიალურ-ტექნიკურ ბაზას გაეცნენ, დაათვალიერეს სტომატოლოგიური კლინიკა, დასავლეთ საქართველოს რეგიონული ქრომატოგრაფიული ცენტრი, იმუნოგენეტიკის კაბინეტი, ფსიქოლოგიური და იურიდიული კლინიკები.

ბათუმის შოთა რუსთაველის სახელმწიფო უნივერსიტეტის რექტორის მოადგილე, პროფესორი ნათია წიკლაშვილი ერასმუს+-ის პროგრამის ფარგლებში ალკალას უნივერსიტეტში იმყოფებოდა. ვიზიტის ფარგლებში პროფესორი ნათია წიკლაშვილი შეხვდა უნივერსიტეტის პრორექტორს საერთაშორისო ურთიერთობის დარგში პროფესორ მიგელ ანგელ სოტელო ვაზგეს, ეკონომიკის, ბიზნესის და ტურიზმის ფაკულტეტის ადმინისტრაციას, პროფესორებს და დაიგეგმა სამომავლო თანამშრომლობა. ასევე მონაწილეობა მიიღო ეკონომიკის, ბიზნესის და ტურიზმის ფაკულტეტის სამეცნიერო სემინარის მუშაობაში, მოხსენება წაიკითხა შრომის ბაზრის პრობლემებზე და ლექციების კურსი ჩაატარა გამოყენებითი ეკონომიკის სამაგისტრო პროგრამის სტუდენტებთან.

2018 წლის 27 აპრილს გაიმართება XXXV საერთაშორისო სამეცნიერო ონლაინ-კონფერენცია თემაზე: „მეცნიერებისა და განათლების განვითარების ტენდენციები და პერსპექტივები გლობალიზაციის პირობებში“. კონფერენციაში მონაწილეობისათვის უნდა გააგზავნოთ სტატია აღნიშნულ თემაზე 27 აპრილის ჩათვლით.

თურქეთის მეცნიერებათა აკადემია აცხადებს კონკურსს აკადემიის ყოველწლიური პრიზის -" TUBA 2018 "-ს მოსაპოვებლად. პრიზი ყოველწლიურად გადაეცემა ფუნდამენტურ და საინჟინრო, ჯანმრთელობისა და სიცოცხლის შემსწავლელ, სოციალური და ჰუმანიტარული მეცნიერებების სფეროში მოღვაწე მეცნიერებს. ერთ-ერთი პრიზი გადაეცემა მეცნიერებს, რომლებიც მუშაობენ ან/და სწავლობენ თურქეთში.

ბელარუსის რესპუბლიკის განათლების სამინისტრო, სპორტის სამინისტრო და მაქსიმ ტანკის ბელარუსის სახელმწიფო პედაგოგიური უნივერსიტეტი იწვევს ახალგაზრდა, აქტიურ და ნიჭიერ ახლგაზრდებს 18 დან 25 წლამდე საზაფხულო სკოლაში მონაწილეობის მისაღებად. საზაფხულო სკოლა გაიმართება ქალაქ მინსკში 2018 წლის 28 ივნისიდან 7 ივლისის ჩათვლით.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის სლავისტიკის დეპარტამენტის პროფესორმა მარინე აროშიძემ პოლონეთის ქალაქ ბიდგოშში მდებარე უნივერსიტეტში - ეკონომიკის უმაღლეს სკოლაში 26-30 მარტს ლექციები წაიკითხა. ერაზმუს+-ის პროგრამის ფარგლებში ენობრივ ცენტრში მიწვეულ I-II კურსის სტუდენტებს ისეთ აქტუალურ თემებზე ესაუბრა, როგორიცაა: ენა - კულტურა - ადამიანი; კულტურათაშორისი კომუნიკაციის თავისებურებანი; ენობრივი და კულტურული კოდი სხვადასხვა ტიპის დისკურსში; ტექსტური ინფორმაციის შრეები და ფონური ინფორმაციის მნიშვნელობა; თარგმანი როგორც კულტურათაშორისი კომუნიკაციის სახეობა და საქართველო კულტურათა დიალოგში. კვირეულის ფარგლებში დაიგეგმა სამომავლო თანამშრომლობა უნივერსიტეტებს შორის.

2018 წლის 23-31 ივლისს აზერბაიჯანის ტექნოლოგიისა და მშენებლობის უნივერსიტეტში გაიმართება სამუშაო შეხვედრა თემაზე “Pavilion- Transformers in Baku Boulevard” for 2018. სამუშაო ენა: რუსული და ინგლისური. მონაწილეობის საფასური განსხვავდება რეგისტრაციის მიხედვით.

იტალიის მთავრობა უცხო ქვეყნის მოქალაქეებისა და უცხოეთში მცხოვრები იტალიელი მოქალაქეებისთვის აცხადებს სასტიპენდიო პროგრამას 2018-2019 აკადემიური სასწავლო წლისთვის სამაგისტრო და სადოქტორო საფეხურებზე ხელოვნების, მუსიკისა და ცეკვის უმაღლესი პროფესიული განვითარების კურსებზე, სამეცნიერო კვლევით პროგრამებზე და იტალიური ენისა და კულტურის კურსებზე. ელექტრონული განაცხადის შევსების ბოლო ვადაა: 2018 წლის 30 აპრილი.