სალომე შავაძემ ერთიან ეროვნულ გამოცდებში უმაღლესი ქულები მიიღო. მან ქართულ ენასა და ლიტერატურაში 53, ინგლისურ ენაში - 70, ხოლო სამოქალაქო განათლებაში - 54 ქულა დაიმსახურა. აბიტურიენტის არჩევანი ბათუმის შოთა რუსთაველის სახელმწიფო უნივერსიტეტში სამართალმცოდნეობის სპეციალობაა. სალომე ამ ეტაპზე ბათუმში მუშაობს, სტუდენტობისთვის ემზადება და სტუდენტის სტატუსის მოსაპოვებლად, 2023 წლის ჩარიცხვების შედეგს ელოდება.

„მე ვარ ინგა ებრალიძე, 17 წლის, მაღალმთიანი აჭარიდან. გახლავართ სსიპ ტარიელ ფუტკარაძის სახელობის შუახევის მუნიციპალიტეტის სოფელ შუბნის საჯარო სკოლის კურსდამთავრებული და აბიტურიენტი. სკოლაში სწავლის პერიოდში აქტიურად ვიყავი ჩართული სხვადასხვა სახის აქტივობაში, მათ შორის, როგორც შიდა სასკოლო, ასევე რაიონულ თუ ეროვნულ დონეზე მოვიპოვე არაერთი მნიშვნელოვანი წარმატება.

მიმდინარე წელს ერთიან ეროვნულ გამოცდებს 45000-მდე აბიტურიენტი აბარებს. ახალგაზრდები, სასურველ უნივერსიტეტსა და სპეციალობაზე, საკმაოდ მაღალი კონკურენციის პირობებში ჩაირიცხებიან. მიზნამდე მისვლა - გახდე ბათუმის შოთა რუსთაველის სახელწიფო უნივერსიტეტის სტუდენტი, დიდ გარჯას მოითხოვს.

ერთიანი ეროვნული გამოცდები 3 ივლისს ქართული ენისა და ლიტერატურის გამოცდით დაიწყო და 26 ივლისს ფიზიკის გამოცდით დასრულდება. აბიტურიენტები ამბობენ, რომ მათ გამოცდის ჩაბარება სრულიად მოწესრიგებულ საგამოცდო ცენტრებში უწევთ. 12-წლიანი მოსწავლეობისა და ერთწლიანი აბიტურიენტობის მონაგარი ერთიანი ეროვნული გამოცდებია, წარმატების მორიგი ნაბიჯები კი - სტუდენტობა. უმაღლესი საგანმანთლებლო დაწესებულებები ჯერ შედეგების, შემდეგ სტუდენტთა ახალი კონტინგენტის მოლოდინშია. რა თქმა უნდა, მათ შორისაა ბათუმის შოთა რუსთაველის სახელმწიფო უნივერსიტეტიც. აქ ახალი ნაკადის დაკომპლექტებას კვლავ კონკურენტუნარიან პირობებში ელოდებიან. გაზეთი „ბათუმის უნივერსიტეტი“ ისევ და ისევ იმ აბიტურიენტებს წარმოგიდგენთ, რომელებიც ბათუმის შოთა რუსთაველის სახელმწიფო უნივერსიტეტში აბარებენ.

ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის ორგანიზებით მოსწავლეთა მეექვსე სამეცნიერო კონფერენცია თემაზე _ „ახლო აღმოსავლეთი და საქართველო“ ჩატარდა. კონფერენციაში სკოლის მოსწავლეები მონაწილეობდნენ. „დამწყები მკვლევრები“ მადლობის სიგელით დაჯილდოვდნენ.
მარიამ ასამბაძე, ვიკა ბერიძე და ანანო გოგიტიძე ქობულეთის რაიონის სოფელ ციხისძირის ჯემალ ქათამაძის სახელობის საჯარო სკოლის მე-11 კლასის მოსწავლეები არიან. მათ კონფერენციის შესახებ ქართული ენისა და ლიტერატურის პედაგოგ ნაზი კოჩალიძისგან გაიგეს, რომლის ხელმძღვანელობითაც ერთობლივი ნაშრომი დაწერეს.