2025 წლის იანვარში ბსუ-ში ჩატარებული კონკურსის: „უცხოეთში გასამართ სამეცნიერო ღონისძიებებში მონაწილეობისათვის ბსუ-ს ბიუჯეტიდან დაფინანსების მისაღებად" გამარჯვებული ნაშრომი „სკოლა-საწარმო-უნივერსიტეტის თამანშრომლობა საბუნებისმეტყველო განათლების მიზნების ეფექტური განხორციელებისთვის“ წარდგენილ იქნა შვეიცარიაში, ქ. ბერნში გამართულ საერთაშორისო კონფერენციაზე „ENCEMA 2025“. ნაშრომი მომზადდა ფაკულტეტის მკვლევართა ჯგუფის მიერ, ხოლო კონფერენციაზე ნაშრომი წარადგინა ბიოლოგიის დეპარტამენტის პროფესორმა, რუსუდან ხუხუნაიშვილმა. კვლევა ეხება ინოვაციური მიდგომების დანერგვას საბუნებისმეტყველო განათლებაში და ეხმიანება გაეროს მდგრადი განვითარების მე-4 მიზანს - „ხარისხიანი განათლება“.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ქიმიის მიმართულების სტუდენტი კახა კოტრიკაძე ერთი სემესტრით ლიეტუვაში, კაუნასში, ვიტაუტას მაგნუს უნივერსიტეტში იმყოფებოდა, სადაც მან მნიშვნელოვანი აკადემიური და პრაქტიკული გამოცდილება მიიღო. კახა კოტრიკაძემ მონაწილეობა მიიღო სპეციალობის შესაბამის ლაბორატორიულ და კვლევით პროექტებში, იმუშავა თანამედროვე ქიმიურ ტექნოლოგიებთან და გაიღრმავა ცოდნა ინოვაციურ მეთოდებზე. გაცვლითი პროგრამა აჭარის განათლების, კულტურისა და სპორტის სამინისტროს დაფინანსებით განხორციელდა.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტს ბათუმის ამერიკული საერთაშორისო სკოლა „პროგრესის“ მე-4 კლასის მოსწავლეები ეწვივნენ. ბსუ-ს ასოცირებულმა პროფესორმა ლალი ჟღენტმა ახალგაზრდებს ზოოლოგიისა და აკვაკულტურის ლაბორატორიაში უმასპინძლა, სადაც მოისმინეს ლექცია თემაზე: „სტუმრად ცხოველების სამყაროში“. მოსწავლეებმა დაათვალიერეს ლაბორატორია და მონაწილეობა მიიღეს სახალისო ცდებში. შეხვედრისას სკოლის მოსწავლეებს სამახსოვრო საჩუქრები გადაეცათ.

მიმდინარე წლის 25-27 აპრილს ბათუმის შოთა რუსთაველის სახელწიფო უნივერსიტეტში ჩატარდება ეროვნული სკოლა-ტრენინგი - „იმუნიტეტი, ანტიმიკრობული რეზისტენტობა და ფაგოთერაპია“. პროექტი დაფინანსებულია საქართველოს განათლების საერთაშორისო ცენტრის მიერ https://iec.gov.ge/ პროექტის თანასპონსორია კომპანია „პრაიმ-ლაინი“.

საგანმანათლებლო პროექტის „უნივერსიტეტის დახმარება სკოლებს STEM მეცნიერებების პოპულარიზაციაში“ ფარგლებში, ქიმიის დეპარტამენტმა უმასპინძლა ბათუმის სკოლა მასტერკლასისა და XVI საჯარო სკოლის მოსწავლეებსა და პედაგოგებს. ბსუ-ს გამარჯვებული პროექტის ხელმძღვანელმა, ქიმიის სპეციალობის II კურსის სტუდენტმა, კახა კოტრიკაძემ სტუმრებს ესაუბრა მეცნიერული კვლევითი პროექტების მნიშვნელობაზე და გააცნო ეთერზეთების მიმართულებით კვლევების თანამედროვე მიდგომები, აგრეთვე პროექტის ფარგლებში მიღებული შედეგები, რითაც მოსწავლეებს კიდევ ერთხელ დაანახა STEM დარგების მნიშვნელობა მომავალი კონკურენტუნარიანი სპეციალისტის ჩამოყალიბებაში.