ტაილანდის მთავრობა აცხადებს სასტიპენდიო პროგრამებს ყველა საფეხურის (ბაკალავრიატი, მაგისტრატურა, დოქტორანტურა) საერთაშორისო სტუდენტებისათვის 2023-2024 წლისთვის. დეტალური ინფორმაცია იხილეთ დანართში, სადაც დეტალურადაა აღწერილი პროგრამა და განაცხადის წარდგენის ვადები.

კორეის განვითარების ინსტიტუტი (Korea Development Institute, KDI) 2023 წლის შემოდგომის სემესტრისათვის აცხადებს სტიპენდიებს სამაგისტრო და სადოქტორო პროგრამებზე. დეტალური ინფორმაცია იხილეთ მიმაგრებული ფაილის სახით.

4 აპრილს, 13:00 საათზე, ბათუმის შოთა რუსთაველის სახელმწიფო უნივერსიტეტში (სააქტო დარბაზი) გაიმართება გაცვლითი პროგრამების წარდგენა. ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლები საბაკალავრო, სამაგისტრო და სადოქტორო პროგრამების სტუდენტებს გააცნობენ 2023-2024 სასწავლო წლისთვის გამოცხადებულ სხვადასხვა გაცვლით პროგრამას, რომელიც ითვალისწინებს 1 სემესტრის (შემოდგომის/გაზაფხულის) განმავლობაში ევროპის უნივერსიტეტებში სწავლას.

კორეის განვითარების ინსტიტუტი (Korea Development Institute, KDI) აცხადებს სტიპენდიებს სამაგისტრო საგანმანათლებლო პროგრამაზე 2023 წლის შემოდგომის სემესტრისათვის. რეგისტრაციის ბოლო ვადაა 19 აპრილი, 18:00 საათი (კორეის სტანდარტული დრო).

უნგრეთის საგარეო საქმეთა და ვაჭრობის სამინისტრო აცხადებს სასტიპენდიო კონკურსს უნგრული ენისა და კულტურის შემსწავლელ პროგრამაზე. პროგრამის ხანგრძლივობაა 10 თვე (სექტემბერი, 2023 - ივნისი, 2024) და განაცხადების მიღების ბოლო ვადა 2023 წლის 17 აპრილი, 24:00 (UTC+1).

ტალინის უნივერსიტეტი გთავაზობთ სასტიპენდიო პროგრამას სამაგისტრო საგანმანათლებლო პროგრამისთვის: საგანმანათლებლო ინოვაცია და ლიდერობა. პროექტი მხარდაჭერილია განვითარების თანამშრომლობის სასტიპენდიო პროგრამით (ESTDEV) ესტონეთის საერთაშორისო განვითარების ცენტრის მიერ. პროექტი მოიცავს 10 სრულ სტიპენდიას და აფინანსებს სტუდენტის სწავლის საფასურს 2023/2024 სასწავლო წლისთვის და ასევე, ფარავს ცხოვრების ხარჯებს (თვეში 400 ევრო 10 თვის განმავლობაში). პროგრამა არ ფარავს მეორე კურსის (აკადემიური წელი 2024/2025) სწავლის საფასურს.

სლოვაკეთის მთავრობა გთავაზობთ სლოვაკეთის სამთავრობო სასტიპენდიო პროგრამებს 2023-2024 სასწავლო წლისათვის. განცხადების წარდგენა შეუძლია ყველა საფეხურის სტუდენტს (ბაკალავრიატი, მაგისტრატურა, დოქტორანტურა). აპლიკანტების მიერ განაცხადის წარდგენა შესაძლებელია 2023 წლის 24 მარტიდან შემდეგი ვებგვერდის მეშვეობით: www.vladnestipendia.sk/en/

ბათუმის შოთა რუსთაველის სახელმწიფო უნივერსიტეტი ბსუ-ს საბაკალავრო საგანმანათლებლო პროგრამების სტუდენტებისთვის აცხადებს აჭარის ავტონომიური რესპუბლიკის განათლების, კულტურისა და სპორტის სამინისტროს მიერ დაფინანსებული გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით. უნივერსიტეტების და სასწავლო კურსების ჩამონათვალი იხილეთ (დანართში 1).