გამოცხადდა „ერაზმუს+“-ის გაცვლითი პროგრამის კონკურსი PEERS პროექტის (პორტუგალია) ფარგლებში, საქართველოს მასშტაბით, რომელშიც ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს ეძლევა საშუალება, მიიღოს მონაწილეობა. განაცხადები მიიღება ელექტრონულად მიმღებ უნივერსიტეტებში პირდაპირი წესით - რეგისტრაციის ბოლო დღე 2023 წლის 31 მაისი.

სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე, „ერაზმუს+“-ის კოორდინატორი ნანა ყურშუბაძე „ერაზმუს+“-ის გაცვლით პროგრამაში გამარჯვებულ სტუდენტებს შეხვდა. შეხვედრის დროს განიხილეს სავიზო, სასწავლო, გამგზავრებისა და სტუდენტებისათვის საჭირო საკითხები. გამარჯვებულ სტუდენტებს შეხვდნენ ბსუ-ში „ერაზმუს+“-ის გაცვლითი პროგრამით ჩამოსული სტუდენტები, რომლებმაც თანატოლებს გამოცდილება და რჩევები გაუზიარეს.

განათლების საერთაშორისო ცენტრი აცხადებს სასტიპენდიო პროგრამებს 2023-2024 სასწავლო წლისთვის. საქართველოს მოქალაქეებს, პირადობის ნეიტრალური მოწმობის ან/და ნეიტრალური სამგზავრო დოკუმენტის მფლობელებს შეუძლიათ მოიპოვონ გრანტი და სწავლა განაგრძონ საზღვარგარეთ, როგორც აკადემიური უმაღლესი განათლების პროგრამებზე, ასევე, კვალიფიკაციის ასამაღლებელ პროგრამებზე.

ცხადდება კონკურსი ბსუ-ს იურიდიული და სოციალურ მეცნიერებათა ფაკულტეტის საერთაშორისო ურთიერთობების და ევროპისმცოდნეობის საბაკალავრო საგანმანათლებლო პროგრამების სტუდენტებისთვის ევროკომისიის მიერ დაფინანსებული „ერაზმუს+“-ის გაცვლითი პროგრამის ფარგლებში სტიპენდიის მოსაპოვებლად რეგიონალური (სომხეთი, საქართველო, აზერბაიჯანი, უკრაინა) მასშტაბით ზალცბურგის უნივერსიტეტში (ავსტრია). მობილობა განხორციელდება 2023-2024 სასწავლო წლის შემოდგომის/გაზაფხული სემესტრში.

ბათუმის შოთა რუსთაველის სახელმწიფო უნივერსიტეტში ბაკალავრიატის სტუდენტებისთვის „სწავლა საზღვარგარეთ“ პროგრამის წარდგენა გაიმართა. გაცვლითი პროგრამა ბსუ-ს და აჭარის ა. რ. რესპუბლიკის განათლების, კულტურისა და სპორტის სამინისტროს შორის გაფორმებული მემორანდუმის ფარგლებში ხორციელდება და ითვალისწინებს 2023-2024 სასწავლო წელს (შემოდგომის/გაზაფხულის სემესტრი), ევროპის უნივერსიტეტებში, 1 სემესტრით საბაკალავრო საგანმანათლებლო პროგრამების 12 სტუდენტის სწავლის გაგრძელებას. სხვადასხვა ფაკულტეტის სტუდენტებს გაცვლით პროგრამაში მონაწილეობის პირობები ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსმა მარინე გიორგაძემ, დეპარტამენტის უფროსის მოადგილემ ნანა ყურშუბაძემ და აჭარის ა.რ. განათლების, კულტურისა და სპორტის სამინისტროს პროფესიული და უმაღლესი განათლების განყოფილების უფროსის მოვალეობის შემსრულებელმა მარინა პაქსაძემ გააცნეს.

20 მარტს, 13:00 საათზე, ბათუმის შოთა რუსთაველის სახელმწიფო უნივერსიტეტში (55-ე აუდიტორია) გაცვლითი პროგრამის წარდგენა გაიმართება. გაცვლითი პროგრამა ბსუ-ს და აჭარის ა. რ. რესპუბლიკის განათლების, კულტურისა და სპორტის სამინისტროს შორის გაფორმებული მემორანდუმის ფარგლებში ხორციელდება და ითვალისწინებს 2023-2024 სასწავლო წელს (შემოდგომის/გაზაფხულის სემესტრი), ევროპის უნივერსიტეტებში, 1 სემესტრით საბაკალავრო საგანმანათლებლო პროგრამების 12 სტუდენტის სწავლის გაგრძელებას.

გამოცხადდა 2023 წლის შოთა რუსთაველის საქართველოს ეროვნული სამეცნიერო ფონდისა და საქართველოს ფრანგული ინსტიტუტის ერთობლივი კვლევითი სტაჟირების პროგრამის საგრანტო კონკურსი. კონკურსში მონაწილეს შეუძლია მხოლოდ ერთი საკონკურსო განაცხადის დარეგისტრირება. განცხადების მიღების ბოლო ვადა: 07 აპრილი, 2023 წელი.

ევროპა მასტერი (EUROPA MASTER), რომელსაც ასევე უწოდებენ "ვაიმარის კვლევებს", არის სამი ქვეყნის პარტნიორობით შექმნილი უნიკალური სამაგისტრო პროგრამა ევროპული კვლევების სფეროში, რომელიც გთავაზობთ სამი პარტნიორი უნივერსიტეტის სამი სამაგისტრო დიპლომის მინიჭების შესაძლებლობას, შემდეგ უნივერსიტეტებში: ოპოლეს უნივერსიტეტი (პოლონეთი), იოჰანეს გუტენბერგის უნივერსიტეტი მაინცში (გერმანია) და ბურგუნდიის უნივერსიტეტი დიჟონში (საფრანგეთი).