ფიზიკის პოპულარიზაციის მიზნით ჩოხატაურის მუნიციპალიტეტის ზოგადსაგანმანათლებლო სკოლებში გაიმართა გასვლითი საგანმანათლებლო პრეზენტაციები. შეხვედრების მიზანი იყო მოსწავლეებში ფიზიკისადმი ინტერესის გაღვივება, თანამედროვე ფუნდამენტური იდეების გაცნობა და მათი კავშირის წარმოჩენა რეალურ ტექნოლოგიებთან.

ბათუმის შოთა რუსთაველის სახელმწიფო უნივერსიტეტში ჩატარდა „Erasmus+ MOVEx“ პროექტის ფარგლებში შემუშავებული ვირტუალური გაცვლითი პროგრამების (VEP) წარმატებული კურსდამთავრებულების დაჯილდოების საზეიმო ღონისძიება.

„MOVEx“ პროექტი ბათუმის შოთა რუსთაველის სახელმწიფო უნივერსიტეტისა და საერთაშორისო პარტნიორი უნივერსიტეტების კონსორციუმის ერთობლივი ინიციატივაა. მისი პრიორიტეტი სტუდენტებისთვის ინოვაციური საგანმანათლებლო პლატფორმების შექმნა და ციფრული ტრანსფორმაციის ხელშეწყობაა. პროექტის ფარგლებში მომზადებული სასწავლო კურსები ორიენტირებულია სტუდენტთა პროფესიული ცოდნის გაღრმავებასა და იმ სპეციფიკური კომპეტენციების განვითარებაზე, რომლებიც კრიტიკულად მნიშვნელოვანია თანამედროვე, გლობალური შრომის ბაზრისთვის.

სიამაყით ვულოცავთ ბსუ-ს ასისტენტ-პროფესორ ელზა ჯინჭარაძეს მნიშვნელოვან აღიარებას! 11 თებერვალს, მეცნიერ ქალთა და გოგონათა საერთაშორისო დღეს, საქართველოს განათლების, მეცნიერებისა და ახალგაზრდობის სამინისტროსა და შოთა რუსთაველის ეროვნული სამეცნიერო ფონდის მიერ ორგანიზებულ ღონისძიებაზე, ელზა ჯინჭარაძეს წარმატებული სამეცნიერო საქმიანობისთვის სიგელი გადაეცა.

ზუსტ მეცნიერებათა და განათლების ფაკულტეტის საბჭოს სხდომაზე საზეიმო გარემოში აღინიშნა პედაგოგიურ მეცნიერებათა დეპარტამენტის ხელმძღვანელის, ასოცირებული პროფესორ ნატო შეროზიასა და ამავე დეპარტამენტის პროფესორ ნანა მაკარაძის საიუბილეო თარიღები.

24-29 იანვარს, ესპანეთში, ქალაქ ვალიადოლიდის უნივერსიტეტში (UVa) Erasmus+ საგრანტო პროექტის "Security Education Center for Unified Resilience and Effective Communications - SECURE" კონსორციუმის წარმომადგენელთა სამუშაო შეხვედრა გაიმართა. ვიზიტის მიზანს პროექტის მიმდინარეობის შეჯამება და სამომავლო ეტაპების განსაზღვრა წარმოადგენდა.