ბსუ-ს მესამე მისიის ფარგლებში, ბსუ იურიდიული და სოციალურ მეცნიერებათა ფაკულტეტის იურიდიული კლინიკის ხელმძღვანელის, მოწვეული ლექტორის, ნარგიზ ცეცხლაძის ხელმძღვანელობით შეხვედრა გაიმართა ბათუმის N1 საჯარო სკოლის მოსწავლეებთან. ნარგიზ ცეცხლაძემ საჯარო ლექცია წაიკითხა ბავშვთა უფლებებზე. მომხსენებლმა ყურადღება გაამახვილაეროვნულ კანონმდებლობაში ბავშვთა უფლებების დაცვის მიმართულებით არსებულ სიახლეებზე, ბავშვთა პერსონალური მონაცემების დაცვის მექანიზმებზე, ბავშვთა შრომის უფლებებსა და საერთაშორისო აქტების საუკეთესო ინტერესების დაცვის საკითხებზე. ლექცია აგრეთვე შეეხო ადრეული ქორწინების უარყოფით შედეგებსა და მათი აღმოფხვრის გზებს.

ბსუ-ს იურიდიული და სოციალურ მეცნიერებათა ფაკულტეტის მოწვეულმა ლექტორმა, სამართლის დოქტორანტმა ცირა კომახიძემ სარფის საჯარო სკოლაში საჯარო ლექცია წაიკითხა თემაზე: „ადამიანის ძირითადი უფლებებეი და უფლებათა დაცვის მექანიზმები“. მომხსნებელმა განიხილა საქართველოს 1921 და 1995 წლის კონსტიტუციით გარანტირებული ძირითადი უფლებები და მათი არსი. ცირა კომახიძემ ასევე ისაუბრა უფლებათა დაცვის მექანიზმებზე, კერძოდ, საკონსტიტუციო სასამართლოს, საერთო სასამართლოების, სახალხო დამცველისა და ადამიანის უფლებათა ევროპული სასამართლოს უფლებამოსილებებზე.

პროექტ ArtNoConflict-ის ფარგლებში პირველი შეხვედრა გაიმართა ნიდელრლანდების ბიზნეს-აკადემია და მასში პროექტში ჩართული ორგანიზაციების წარმომადგენლებთან ერთად მონაწილეობა მიიღო ბსუ-ს იურიდიული და სოციალურ მეცნიერებათა ფაკულტეტის მოწვეულმა მასწავლებელმა ქეთევან დევაძემ. პროექტი დაფინანსებულია ევროკოვშირის მიერ და მიზნად ისახავს სტუდენტებისა და ახალგაზრდებისთვის ვირტუალური გაცვლის გზით უზრუნველყოს ხელმისაწვდომი საერთაშორისო, კულტურათაშორისი განათლება კონფლიქტების მოგვარებასა და მედიაციის საკითხებზე.

11-15 მარტს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში მურსიის უნივერსიტეტის ასოცირებული პროფესორი, ხუან ანტონიო ბუენდია სანჩესი იმყოფებოდა. პროფესორმა ხუან ანტონიო ბუენდია სანჩესმა ბსუ-ს იურიდიულ და სოციალური მეცნიერებათა ფაკულტეტის სამართალმცოდნეობის, საერთაშორისო ურთიერთობებისა და ევროპისმცოდნეობის საბაკალავრო საგანმანათლებლო პროგრამის სტუდენტებისთვის საჯარო ლექციების ციკლი წაიკითხა ევროპის კავშირის სამართლის თემაზე. მომხსენებელმა ახალგაზრდებს გააცნო ეროკავშირის სამართლის აქტუალური საკითხები და თანამედროვე გამოწვევები.

ბსუ-ს იურიდიული და სოციალურ მეცნიერებათა ფაკულტეტის სამართალმცოდნეობის მეოთხე კურსის სტუდენტები, რომლებიც კვალიფიკაციის ამაღლების მიზნით იურიდიული კლინიკისთან არსებული კონსტიტუციური მართლმსაჯულების (ადამიანის უფლებების მიმართულებით) კლინიკური სწავლების სიმულაციური კურსის ფარგლებში გადიან მომზადებას, საქართველოს საკონსტიტუციო სასამართლოს ეწვივნენ. პროგრამის კოორდინატორმა ზურა კვირკვაიამ სტუდენტებს დაათვალიერებინა სასამართლოს ადმინისტრაციული შენობები და გააცნო სამუშაო გარემო.