ბსუ-ს იურიდიული და სოციალურ მეცნიერებათა ფაკულტეტის სამართალმცოდნეობის მიმართულების პირველკურსელებს ირაკლი კობახიძის წიგნი „კონსტიტუციური სამართალი” საჩუქრად გადაეცათ. იურიდიული სახელმძღვანელოების სერიიდან ირაკლი კობახიძის წიგნი სტუდენტებს აჭარის უმაღლესი საბჭოს წევრებმა: გიორგი მანველიძემ და ტიტე აროშიძემ ბსუ-ს რექტორთან, მერაბ ხალვაშთან და იურიდიული და სოციალურ მეცნიერებათა ფაკულტეტის დეკანთან, ლევან ჯაყელთან ერთად გადასცეს. შეხვედრაზე ისაუბრეს „კონსტიტუციური სამართალის“ მნიშვნელობასა და სახელმწიფო მოწყობის პრინციპების ცოდნის აუცილებლობაზე. ბსუ-ს სამართალმცოდნეობის სტუდენტებს წიგნი „კონსტიტუციური სამართალი” საჩუქრად ყოველ წელს გადაეცემათ.

ბათუმის შოთა რუსთაველის სახელმწიფო უნივერსიტეტში ჟან მონეს საერთაშორისო კონფერენცია „დემოკრატია, კანონის უზენაესობა და ადამიანის უფლებების დაცვა ევროკავშირში“ გაიხსნა. საერთაშორისო კონფერენცია ტარდება ბსუ-ში ევროკავშირის მიერ დაფინანსებული ჟან მონეს კათედრის (ხელმძღვანელი პროფესორი მალხაზ ნაკაშიძე) პროექტის „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა" ფარგლებში და მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით.

ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათ ფაკულტეტი, ჟან მონეს კათედრის ორგანიზებით, დაინტერესებულ პირებს იწვევს საერთაშორისო კონფერენციაში „დემოკრატია, კანონის უზენაესობა და ადამიანის უფლებების დაცვა ევროკავშირში“ მონაწილეობის მისაღებად, რომელიც გაიმართება 2023 წლის 29-30 სექტემბერს ქ. ბათუმი.

გამოცხადდა პროექტის „აჭარის რეგიონში პრაქტიკული სამართლის და კონსტიტუციური მართლმსაჯულებისსწავლების ხელშეწყობა“ მონაწილეთა შესარჩევი კონკურსი. კონკურში მონაწილეობის მიღება შეუძლიათ იურიდიული და სოციალურ მეცნიერებათა ფაკულტეტის სამართალმცოდნეობის პროგრამის მეოთხე კურსის აქტიური სტატუსის მქონე სტუდენტს. აპლიკანტებს განაცხადის (დანართი 1-ის შესაბამისად) წარდგენა შეუძლიათ 11 სექტემბრიდან 18 სექტემბრის ჩათვლით ელექტრონულად შემდეგ მისამართზე: info.lscf@bsu.edu.ge და მატერიალური სახით დეკანის ოფისში (კაბ. 513), სამუშაო დღეებში დილის 10:00 საათიდან 17:00 საათამდე.

ბსუ-ს სახელით საერთაშორისო კონკურსზე პროექტი - ჟან მონეს მოდული „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაცია" იურიდიული და სოციალურ მეცნიერებათა ფაკულტეტის პროფესორმა მალხაზ ნაკაშიძემ წარადგინა. ევროკომისიის გადაწყვეტილებით, მალხაზ ნაკაშიძეს მეორედ მიენიჭა ჟან მონეს პროფესორის სტატუსი და ახალი პროექტი ბსუ-ში მომდევნო 3 წლის განმავლობაში განხორციელდება.