ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სამართლის საბაკალავრო და სამაგისტრო საგანმანათლებლო პროგრამების რეაკრედიტაციის მიზნით გრძელდება სამუშაო შეხვედრები. სამუშაო ჯგუფის წევრებმა ფაკულტეტს მიმდინარე სამუშაოების შესახებ შუალედური ანგარიში წარუდგინეს.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის პროფესორმა გურამ ჩაგანავამ საჯარო ლექცია წაიკითხა თემაზე: „ორალური ფაზის ფსიქოგენეტიკა“. მომხსენებელმა სტუდენტებს გააცნო ადამიანის ფსიქიკის განვითარების ორალური, კანიბალური ფაზა, ფსიქოსექსუალური კონცეფცია, ფსიქოსექსუალური განვითარების პრობლემატიკა და მასთან დაკავშირებული ფსიქოლოგიური საკითხები. ლექციის დასრულების შემდეგ პროფესორმა გურამ ჩაგანავამ სტუდენტების შეკითხვებს უპასუხა.
ბათუმის შოთა რუსთაველის სახელმწიფო უნივერსიტეტის იურიდიული და სამართალმცოდნეობის ფაკულტეტის სტუდენტებმა მონაწილეობა მიიღეს ნატოს დღეების ეგიდით ნატოს საინფორმაციო ცენტრში გამართულ სემინარში. ღონისძიება საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით ჩატარდა და მიზნად ისახავდა ახალგაზრდებში ცნობადობის ამაღლებას ევროატლანტიკური ინტეგრაციის საკითხებზე. ორი დღის განმავლობაში სტუდენტები გაეცნენ აქტუალურ საკითხებს ნატოს მიზნებსა და ამოცანებზე, ნატო-საქართველოს ურთიერთობებზე, კიბერუსაფრთხოებაზე, ანტიდასავლურ პროპაგანდასა და მასთან ბრძოლის მეთოდებზე, ნატოს და საქართველოს თანამშრომლობაზე შავი ზღვის უსაფრთხოების კონტექსტში.
სმენის და მხედველობის დარღვევების მქონე პირთა აქტუალურ საკითხებზე სემინარი ჩატარდა ბათუმის შოთა რუსთაველის სახელმწიფო უნივერსიტეტში. პოლონელმა და ქართველმა ტრენერებმა სტუდენტებს სმენისა და მხედველობის მქონე პირთა პრობლემები და მათთან ურთიერთობის სპეციფიკა გააცნეს. ღონისძიება პროექტის „სმენის და მხედველობის დარღვევების მქონე პირთა მხარდამჭერის სისტემის შექმნა საქართველოში“ ფარგლებში საგარეო საქმეთა სამინისტროს პოლონეთის დახმარების პროგრამის ფინანსური მხარდაჭერით გაიმართა. პროექტი პოლონური ორგანიზაციი HumanDoc-ისა და საქართველოს სახალხო დამცველის აპარატის ორგანიზებით ხორციელდება.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებულმა პროფესორმა მალხაზ ნაკაშიძემ მონაწილეობა მიიღო 23 ოქტომბერს, ვილნიუსში გამართულ ლიეტუვას კონსტიტუციის დღისადმი მიძღვნილ საერთაშორისო კონფერენციაში. მალხაზ ნაკაშიძემ კონფერენციაზე წარადგინა მოხსენება: „საჯარო მონაწილეობა კონსტიტუციის მიღებისა და ცვლილებების პროცესში საქართველოში“. კონფერენცია ლიეტუვას რესპუბლიკის სეიმის, საკონსტიტუციო სასამართლოს, ადვოკატთა ასოციაციისა და მიკოლას რომერის უნივერსიტეტის ორგანიზებით გაიმართა. ვიზიტის ფარგლებში მალხაზ ნაკაშიძე შეხვდა მიკოლას რომერის უნივერსიტეტის იურიდიული ფაკულტეტის ხელმძღვანელობას და ბსუ-ს სამართლის სპეციალობის სტუდენტებს, რომლებიც მიკოლას რომერის უნივერსიტეტში ლიეტუვას მთავრობის სტიპენდიის ფარგლებში სწავლობენ.
