სასტუმრო ,,ინტურისტ პალასში“ ბათუმის შოთა რუსთველის სახელმწიფო უნივერსიტეტის ტურიზმის ფაკულტეტის საახალწლო საღამო გაიმართა. სტუდენტებს დღესასწაული დეკანმა, პროფესორმა როსტომ ბერიძემ, აჭარის სპორტისა და ახალგაზრდულ საქმეთა დეპარტამენტის უფროსმა დავით მიქელაძემ და პროფესორ-მასწავლებლებმა მიულოცეს. საღამოზე სხვადასხვა ნომინაციაში დაჯილდოვდა წლის საუკეთესო აკადემიური პერსონალი და სტუდენტები. საახალწლო საღამო მუსიკალურად ქალაქში მოღვაწე ბენდებთან ერთად გააფორმა ,,DJ LEVAN KEE”-მა.

ტურიზმის ფაკულტეტის 4 სტუდენტი ერთობლივი პროექტის - ,,ნორვეგიაში, საქართველოსა და ყირგიზეთში ტურიზმის მდგრადი განვითარებისა და ინოვაციების სფეროში განათლება“ ფარგლებში ნორვეგიაში გაემგზავრება. ახალგაზრდები ტელემარკის უნივერსიტეტში ერთი თვის განმავლობაში ისწავლიან და საბაკალავრო ნაშრომზე იმუშავებენ. სტუდენტები გაეცნობიან ნორვეგიის სასოფლო ტურიზმს, ზამთრის კურორტების მენეჯმენტს, აგროტურიზმსა და ტურისტული სერვისის ხარისხის ამაღლების საკითხებს. კონკურსში ტურიზმის ფაკულტეტის მეოთხე კურსის 15 სტუდენტი მონაწილეობდა.

18-19 დეკემბერს, ბსუ-ს ტურიზმის ფაკულტეტზე გაიმართა სტუდენტთა სამეცნიერო კლუბის მუშაობა

ტურიზმის ფაკულტეტმა ,,LEOGRAND hotel & Casino”-ის გენერალურ მენეჯერს მერტ ბოლუქბაშს უმასპინძლა. ერთი კვირის განმავლობაში სტუდენტებს საშუალება მიეცათ ტურიზმის ინდუსტრიის ექსპერტის მასტერკლასს დასწრებოდნენ და თავადაც მიეღოთ მონაწილეობა ისეთი საკითხების განხილვაში, როგორებიცაა „მაღალი ბრენდის სასტუმროების სტრუქტურა“ მენიუს შედგენის პრინციპები და მომსახურეობის სტანდარტები.

,, LEOGRAND hotel & Casino” ექსპლუატაციაში 2015 წლის გაზაფხულზე შევა.

ტურიზმის ფაკულტეტის ხარისხის უზრუნველყოფის სამსახურის ორგანიზებით 19-26 ნოემბერს ფაკულტეტის პროფესორ მასწავლებლებისათვის ჩატარდა ტრენინგები თემაზე „სწავლისა და სწავლების მეთოდები“.ტრენინგი ფაკულტეტის ხარისხის სამსახურის წლიური სამუშაო გეგმის შემადგენელი ნაწილი იყო და მიზნად ისახავდა სწავლების მეთოდებში ინოვაციების გაცნობასა და მის პრაქტიკაში დანერგვას.