ბსუ-ში სამეცნიერო კონფერენცია „საქართველოს დამფუძნებელთა კრება: ქართული პარლამენტარიზმის გამოცდილება" გაიმართა. კონფერენციაში საქართველოს სხვადასხვა უნივერსიტეტის პროფესორ-მასწავლებელებმა და დოქტორანტებმა სამეცნიერო მოხსენებები წარმოადგინეს ბოლო პერიოდში წარმოებული კვლევის შედეგებზე. მკვლევრებმა იმსჯელეს ისეთ აქტუალურ საკითხებზე, როგორიცაა: საქართველოს დამფუძნებელი კრება სამხრეთ-დასავლეთ საქართველოს შესახებ, საპარლამენტო ფრაქციები საქართველოს დამფუძნებელ კრებაში, საქართველოს 1921 წლის კონსტიტუციის ფრანგული თარგმანი, დამფუძნებელი კრების შეფასება ქართულ ბეჭდურ გამოცემებში, დამფუძნებელი კრების უკანასკნელი სხდომები ბათუმში, დამფუძნებელი კრება და აჭარა.

ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეულის ფარგლებში დასკვნითი ღონისძიება, საპარლამენტო (ბრიტანული სტილი) დებატების საუნივერსიტეტო ტურნირი გაიმართა. სადებატო რეზოლუციები ადამიანის უფლებების თემატიკიდან იყო შერჩული. ფინალში გამარჯვება იურიდიული და სოციალურ მეცნიერებათა ფაკულტეტის სამართლის საბაკალავრო პროგრამის პირველი კურსის სტუდენტმა დავით კახიძემ და საერთაშორისო ურთიერთობების საბაკალავრო პროგრამის მეორე კურსის სტუდენტმა ნიკა თურმანიძემ მოიპოვეს.

ბათუმის შოთა რუსთაველის სახელმწიფო უნივერსიტეტის საჯარო მმართველობის საგანმანათლებლო პროგრამის მეორე კურსის სტუდენტები აჭარის ა.რ უმაღლეს საარჩევნო კომისიას ეწვივნენ. შეხვედრაზე სტუდენტები გაეცნენ უსკოს მუშაობის არეალს, წევრების დაკომპლექტების წესს, ელექტრონული არჩევნების მნიშვნელობას, უსკოს პასუხისმგებლობასა და ანგარიშვალდებულებას. შეხვედრა სალექციო კურსის - დემოკრატია და მოქალაქეობის გასვლითი ლექციის ფარგლებში ჩატარდა".

ბსუ-ს იურიდიული და სოციალურ მეცნიერებათა ფაკულტეტის იურიდიული კლინიკის კოორდინატორმა ნარგიზ ცეცხლაძემ და კლინიკის წევრმა სტუდენტებმა: ხატია ლეონიძემ, მარიამ ლორთქიფანიძემ, სოფიკო ჭაღალიძემ და აკაკი შერვაშიძემ შეხვედრა გამართეს ხელვაჩაურის მუნიციპალიტეტის სოფელ ახალსოფლის საჯარო სკოლაში. მოსწავლეებთან თემაზე: „ბავშვთა მიმართ ძალადობის გამომწვევი და ხელშემწყობი ფაქტორები, პრევენცია, შედეგები და მისი დაძლევის გზები’’.

ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეულის ფარგლებში, სამუშაო შეხვედრა გაიმართა თემაზე: „მოსამართლის როლი ადამიანის უფლებების დაცვის პროცესში“. სამუშაო შეხვედრაზე მოხსენებები წარმოადგინეს ამერიკის შეერთებული შტატების მოსამართლემ ჯეიმს რედვაინმა და საქართველოს საკონსტიტუციო სასამართლოს თავმჯდომარის მოადგილემ მანანა კობახიძემ. ადამიანის უფლებების სამართლის საუნივერსიტეტო კვირეული 2 დეკემბერს დაიწყო და მასში საქართველოს 15 უნივერსიტეტი მონაწილეობს. ღონისძიება USAID სამართლის უზენაესობის პროგრამის მხარდაჭერით იმართება.